Esyonyimbo 57:1-11
Oko musondoli; luleghere oko “Isiwaheraya.” Olwa Daudi. Miktamu.* Omughulu atibita omo mwangalu akasagha Sauli.
57 Unikangaye olukogho, Mungu, unikanganaye olukogho,Kusangwa ngasaghira eyo uli,*Kandi ngasaghira omo kitsutsu ky’ebipupa byaghu erihika aho obuhanya bukendisyalabira.
2 Ngalakira oMungu ow’Endata Kutsibu,OMungu w’ekwenene oyukanibughiraho amaligho.
3 Akendisyatuma obuwatikya erilua elubula n’erinilamya.
Akendisyalibatangania oyukasonda erinibughaho. (Sela)
OMungu akendisyatuma olwanzo lwiwe oluteleghula n’obutaleghula bwiwe.
4 Esyondale* sinitimbireko;*Sihali ekindi ky’erikola kite erighotsera ahali abandu abali ng’esyonyama esikalire esikalya abandu,Abo ameno wabo ni matumo n’emisohaN’abo olulimi lwabo ni muyali owatwire.
5 Mungu, ukanganaye obukulu bwaghu endata omo kyanya;Olukengerwa lwaghu lubye endata oko kihugho kyosi.
6 Babiriteghekania obutimba eritegha ebisando byaghe;Obulighe bwabirinikondomya.*
Babiritakula ekyuna embere syaghe,Nikwa bo batoghera mukyo. (Sela)
7 Mungu, omutima waghe asikire,Omutima waghe asikire.
Ngendiimba n’eritunga akasimo.
8 Lukengerwa lwaghe, ubuke.
Ubuke, iwe kyombo ky’omuziki eky’esinga; naghu kutya, iwe nanga.*
Ngendibukya emitsange.
9 Yehova ngendikupipa omo kati-kati k’ebitunga by’abandu;Ngendikwimbira* esyonyimbo sy’eripipa omo kati-kati k’ebihanda.
10 Kusangwa olwanzo lwaghu oluteleghula ni lunene, luhikire elubula,N’obutaleghula bwaghu buhikire oko bitu.
11 Mungu, ukanganaye obukulu bwaghu endata omo kyanya;Olukengerwa lwaghu lubye endata oko kihugho kyosi.
Amaelezo awehikwa
^ Ulebaye Amaana w’ebinywa.
^ Kutse “enafsi yaghe ikasaghira.”
^ Kutse “esyosimba.”
^ Kutse “enafsi yaghe itimbirweko.”
^ Kutse “bwabirikondamya enafsi yaghe.”
^ Kutse “edungu.”
^ Kutse “ngenditunga akasimo.”