Esyonyimbo 58:1-11
-
Hane oMungu oyukatswera ekihugho
-
Omusabe w’erisaba ababi basuyirawe (6-8)
-
Oko musondoli; lulegherwe oko “Isiwaheraya.” Olwa Daudi. Miktamu.*
58 Mwanganakania oko ritunganene imune bukutu?
Inywe baghala b’abandu, mwanganatswera omo ritunganene?
2 Omo mwanya w’ekyo, omo mitima yenyu mukaghaniraya ebitatunganene,N’ebyala byenyu bikusulaya omo kihugho mw’obutsururu.
3 Ababi baherire* oko nzira erilua okw’ibutwa;*Ni bahona, ni babehi erilua okw’ibutwa lyabo.
4 Esumu yabo iri ng’esumu y’esyonzoka;Ni batsiha ng’enzwira* eyikaliba amatwi wayo.
5 Siyangowa omulenge w’abakasatisaya esyonzoka,Nomo bangakolesya obusaki obuli buti.
6 Mungu, ukulange ameno wabo erilua omo buno bwabo!
Yehova, ubunange emikese y’esyondale* esi!
7 Babulirane ng’amaghetse awakuma.
OMungu akakaye obuta bwiwe n’eriteryabo omo misoha yiwe.
8 Babye ng’ekikome ekikayeyuka kikaghenda;Ng’omwana oyo bakakwisaya,* oyutendisyalola oko ryuba n’ahake.
9 Embere esyonyungu syenyu sihuhe omo syongwi sy’omo kisaka esiriko amahwa,OMungu akendisyabirya-birya ehisali hyosi;Ng’ekihunga ekikalire, akendisyabirya ehisali ehikine hibisi n’ehisali ehikaka.
10 Omutunganene akendisyatsema kusangwa abirilangira erikisya;Ebisando biwe bikendisyatsapa omo musasi w’ababi.
11 Neryo abandu bakendisyabugha bati: “Kwenene omutunganene akahembawa.
Oko kwenene hali oMugnu oyukatswera ekihugho.”
Amaelezo awehikwa
^ Ulebaye Amaana w’ebinywa.
^ Kutse “batsandire.”
^ Kinywa kwa kinywa, “erilua omo nda.”
^ Kutse “ekobra.”
^ Kutse “emyusuko y’esyondale (esyosimba) esiwite ebyeya omo bikya.”
^ Kutse “oyukaholera omo nda.”