Esyonyimbo 59:1-17
Oko musondoli; lulegherwe oko “Isiwaheraya.” Olwa Daudi. Miktamu.* Omughulu Sauli atuma abandu eriyalimbirya Daudi* omo nyumba bamwite.
59 Mungu waghe, unilamaye oko syonzighu syaghe;Uniteghaye oko bakahangana erilwa naghe.
2 Unilamaye oko bakola-nabi,Unilamaye oko batsururu.*
3 Lebaya! Bakanilimbaya;*Abalume b’amaka bakanibambiraAliwe Yehova, si bugha ambu kundi mungahalaya kutse mungakola erilolo.
4 Nomo nitetakola ekibi kyosi-kyosi, bakatibita n’eriyiteghekania erilwa naghe.
Uhangane omughulu ngakulakira, ulangire.
5 Kusangwa iwe, Yehova, Mungu w’emilondo, uli Mungu wa Israeli.
Ubuke usuyire ebihanda byosi.
Isiwaghanyira omundu n’omughuma oyukabinduka oko ghundi erimukola nabi. (Sela)
6 Bakasubula omw’igholo-gholoBakaruruma* ng’esyombwa n’eritimba-timba omo muyi.
7 Ulangire ebikutika* erilua omo buno bwabo;Eminywa yabo iri ng’emiyali,Kusangwa bakabugha bati: “Oyuhulikirire nindi?”
8 Nikwa iwe, Yehova, ukendisyasekabo;Ukendisyasekererya ebihanda.
9 Iwe maka waghe, ngendisyakulindirira;Kusangwa oMungu yo busayiro* bwaghe obusikire.
10 OMungu oyukanikanganaya olwanzo oluteleghula akendisyaniwatikya;OMungu akendisyaleka inayisyandira ngalangira esyonzighu syaghe sikakindwa.
11 Isiwitabo, abandu baghe bakasyibirirwa.
Omo maka waghu ughanga-ghangayebo;Yehova engabo yetu, uleke bawe.
12 Busana n’erilolo ly’obuno bwabo n’ekinywa ky’eminywa yabo,Bahambawe omo miyiheko yabo,Busana n’ebitsumi n’amabehi ebyo bakabugha.
13 Ubughe b’oho omw’ihitana lyaghu;Ubughe b’oho, isibasyasyalangirika;Uleke baminye ngoko oMungu anemutabala oko bana ba Yakobo n’oko nduli-nduli sy’ekihugho. (Sela)
14 Uleke basubule omw’igholo-gholo;Uleke barurume* ng’esyombwa n’eritimba-timba omo muyi.
15 Uleke baghanga-ghange bakasonda eky’erirya;Isiwaleka bakughuta kutse eribana obwikalo.
16 Nikwa ingye ngendisyimba oko maka waghu;Omo tututu ngendisyakania oko lwanzo lwaghu oluteleghula ininatsemire.
Kusangwa uli busayiro bwaghe obusikireN’obutibitiro bwaghe omo mughulu w’amalighe waghe.
17 Iwe Maka waghe, ngendisyakwimbira* esyonyimbo sy’eripipa,Kusangwa oMungu ni busayiro bwaghe obusikire, oMungu oyukanikanganaya olwanzo oluteleghula.
Amaelezo awehikwa
^ Ulebaye Amaana w’ebinywa.
^ Kinywa kwa kinywa, “enyumba.”
^ Kutse “abakwire enyota y’omusasi.”
^ Kutse “bakalimbaya enafsi yaghe.”
^ Kutse “bakasemba.”
^ Kutse “emisalala eyikalua omo buno bwabo.”
^ Kutse “ah’endata ahasikire.”
^ Kutse “basembe.”
^ Kutse “ngendisyakutungira akasimo.”
