Esyonyimbo 6:1-10
Oko musondoli; ni lw’eriimbwa haghuma n’ebyombo by’omuziki eby’esyosinga ebilegherwe oko Seminiti.* Omuziki wa Daudi.
6 Yehova isiwanikunga omw’ihitana lyaghu,Kandi sighunihabule omw’ighalirwa lyaghu.
2 Yehova unikanganaye olukogho,* kusangwa ninemughenda ngoloba.
Yehova, unilamaye, kusangwa amakuha waghe akatitimana.
3 Inga, nabirihandabuka* kutsibu,Neryo ngakubulaya, Yehova—erihika mughulu wahi?
4 Yehova, usubule, neryo unisabule;*Busana n’olwanzo lwaghu oluteleghula, unilamaye.
5 Kusangwa omundu amabihola syangatasyakwahula,*Nindi yo wangakupipa iniane omw’Isinda?*
6 Nabirinogha busana n’erisimba lyaghe;Omo kiro kyosi ngatsapaya engyingo yaghe omo misonia;*Ngatsapaya ekitumbi kyaghe omo kiriro.
7 Eriso ryaghe lyabiriluha busana n’obulighe bwaghe;Eriso lyaghe ryabiribya like* busana n’abosi abakanyendako omwagha.
8 Inywe bakola-nabi bosi, mulue aho niri,Kusangwa Yehova akendyowa erilira lyaghe.
9 Yehova akendyowa erilaka lyaghe,Yehova akendiligha erisaba lyaghe.
10 Esyonzighu syaghe syosi sikendisyahemulwa kandi sikendisyasweka,Sikendisyasuba enyuma omo sisoni kitsumbukirania.
Amaelezo awehikwa
^ Ulebaye Amaana w’ebinywa.
^ Kutse “obughanyiri.”
^ Kutse “enafsi yaghe yabirihandabuka.”
^ Kutse “usabule enafsi yaghe.”
^ Kutse “syangasyakwibuka.”
^ Kutse “Sheoli,” ni bugha ambu, eyisinda y’abandu bosi. Ulebaye Amaana w’ebinywa.
^ Kinywa kwa kinywa, “ngaleletaya engyingo yaghe.”
^ Kutse “lyabirikula.”