Esyonyimbo 60:1-12
Oko musondoli; lulegherwe oko “Biranga-ranga by’Eryibukya.” Miktamu.* Olwa Daudi. Busana n’erikangirirya. Omughulu alwa na Aram-naharaimu na Aram-zoba, neryo Yoabu amasubula amita Abaedomu 12 000 omo Musya w’Omunyu.
60 Mungu, wabiritughana; muwatukindaMuwatuhitanako; nikwa lino utasyatuligha!
2 Muwaleka ekihugho ikyasukana; muwaleka ekihugho ikyatulangika.
Ukokotaye eyatulangika kusangwa kikasonda eritera.
3 Wabirileka abandu baghu ibaghalwa omo maligho.
Wabiritunywisya edivai eyikaleka itwaghuna-ghuna.
4 Uhe* abakakubaha b’ekiminyikaloBatoke eritibita n’eribala oko buta. (Sela)
5 Neryo abanzwa baghu ibatoka erilamibwa,Utulamaye omo byala byaghu by’amali kandi utusubiraye.
6 OMungu abiribugha omo bubuyirire* bwiwe ati:
“Ngendisyayisyandira, ngendisyaha abandu baghe e Sekemu mo mwandu,Ngendisyapimira abandu baghe Omusya* we Sukoti.
7 E Gileadi ni yaghe, kutya na Manase,Na Efraimu ni kikeke* ky’omutwe waghe;Yuda ni mutso waghe w’obusondoli.
8 Moabu ni beseni* yaghe y’erinabiramo.
Ngendisyaghusa ekiryato kyaghe oko Moabu.
Ngendisyuta obwogho bw’erikinda oko Filistia.”
9 Nindi yukendisyanitwala oko muyi owatimbirweko?*
Nindi yukendisyanisondola erihika ne Edomu?
10 Nindi, ate in’iwe, oyo wabiritughana,Mungu wetu oyutakighenda haghuma n’emilondo yetu?
11 Utuwatikaye omo bulighe bwetu,Kusangwa omulamo owakalua oko bandu ni buyira.
12 Erilabira oMungu tukendisyabana amaka,Tukendisyalyatangirira esyonzighu syetu.
Amaelezo awehikwa
^ Ulebaye Amaana w’ebinywa.
^ Kutse alinga, “wabiriha.”
^ Kutse alinga, “omo habuyirire hiwe.”
^ Kutse “eribanda.”
^ Kinywa kwa kinywa, “ahakongotere.”
^ Kutse “erirobe.”
^ Kutse alinga, “owakongotere.”
