Esyonyimbo 61:1-8
-
OMungu ni nyumba nyiri-nyiri eyisikire eyikateghaya oko syonzighu
-
“Ngendibya mugheni omo hema yaghu” (4)
-
Oko musondoli. Ni lw’erimba haghuma n’ebyombo by’omuziki by’esyosinga. Olwa Daudi.
61 Mungu, wowe erilaka lyaghe.
Uhulikirire omusabe waghe.
2 Ngendikulakira inine oko nduli sy’ekihughoNgayibula-bula* omo mutima.
Unitwale oko lukuka luli kunilenga.
3 Kusangwa uli busayiro bwaghe.
Enyumba nyiri-nyiri eyisikire eyikaniteghaya oko nzighu.
4 Ngendisyabya mugheni omo hema yeghu kera na kera;Ngendisyasaghira omo kitsutsu ky’ebipupa byaghu. (Sela)
5 Kusangwa iwe, Mungu, wabiryowa ebyo nabiriyilagha.
Wabirimba omwandu ogho ukaha abakubaha erina lyaghu.
6 Ukendisyatomeka ebiro oko ngebe* y’omwami,Emyaka yiwe yikendisyalua oko kizazi* erihika oko kindi.
7 Akendisyikala oko kitumbi ky’obwami kera na kera embere sy’oMungu;Umuhe* obutaleghula n’olwanzo oluteleghula, bimuteghaye.
8 Neryo ngendisyimba* ngapipa erina ryaghu kera na keraIninemuliha obuli kiro ebyo nabiriyilagha.
Amaelezo awehikwa
^ Kutse “ngalembera.”
^ Kinywa kwa kinywa, “ebiro.”
^ Kutse “olulengo.”
^ Kutse “uhamule.”
^ Kutse “ngendisyatunga akasimo.”
