Esyonyimbo 62:1-12
Oko musondoli; ni lwe Yedutuni.* Omuziki wa Daudi.
62 Oko kwenene ngalindirira* oMungu bukutu-kutu.
Omulamo waghe akalua akw’iye.
2 Oko kwenene, iye ni lukuka lwaghe n’omulamo waghe, obusayiro* bwaghe obusikire;Sinendisuka-sukanibwa kutsibu n’ahake.
3 Mukendisyabambira omundu mukasonda erimwita erihika mughulu wahi?
Inywe bosi muli bwiko ng’oluhimbo olughemerere, oluhimbo lw’amabwe olukisiya ilwatera.*
4 Kusangwa bakaya embita yo haghuma busana n’erimukimya omo mwanya wiwe w’olukengerwa;*Bakatsemera eribiha.
Amuno wabo akabugha ebinywa eby’eritsumula, aliwe omo mitima yabo ibanemutakira. (Sela)
5 Oko kwenene ngalindirira oMungu bukutu-kutu*Kusangwa amaha waghe wosi akalua okw’iye.
6 Oko kwenene, iye ni lukuka lwaghe kandi mulamo waghe, obusayiro bwaghe obusikire;Sinendisuka-sukanibwa n’ahake.
7 Omulamo waghe n’olukengerwa lwaghe bikalua oko Mungu.
OMungu yo lukuka lwaghe olusikire kandi busayiro bwaghe.
8 Inywe bandu, muyiketere iye emighulu yosi.
Mumubwire ebyosi ebiri omo mutima.*
OMungu ni busayiro bwetu. (Sela)
9 Abaghala b’abandu ni muka buyira,Abaghala b’abandu ni matebo buyira.
Abosi bamabihirwa haghuma oko bilo, banguhirire kwilaba n’omuka buyira.
10 Isimwayiketera erinyeghaErihira amaha w’amabehi omo bwibi.
Obuteke bwenyu bwamakanya isimwahira kubo k’omutima.
11 OMungu abiribugha ngendo nguma, naghe nabiryowa ekyo kyo ngendo ibiri:
Ngoko amaka ni w’oMungu.
12 Kandi Yehova, n’olwanzo oluteleghula ni lwaghu,Kusangwa ukaliha obuli mundu erikwamana n’emibiiri yiwe.
Amaelezo awehikwa
^ Ulebaye Amaana w’ebinywa.
^ Kutse “enafsi yaghe ikalindirira.”
^ Kutse “ah’endata ahasikire.”
^ Kutse alinga, “inywe bosi, iye nga yo wabya luhimbo olughemerere, oluhimbo lw’amabwe olukisiya ilwatera.”
^ Kutse “erisikibwa riwe.”
^ Kutse “nafsi yaghe, ulindirire bukutu-kutu.”
^ Kutse “mumutulire ebyosi ebiri omo mittima yenyu.”
