Esyonyimbo 63:1-11
Omuziki wa Daudi, omughulu abya omo mbwarara ye Yuda.
63 Mungu, uli Mungu waghe, ngakusonda-sonda kutsibu.
Nikulaghireko* ngoko omundu oyukwire enyota akanalagha oko maghetse.
Ngalembera* n’erikukandira kutsibu omo kihugho ekyumire kandi ekikungukere, eyite amaghetse.
2 Neryo nabirikulolako ahabuyirire;Nabirilangira amaka waghu, n’olukengerwa lwaghu.
3 Kusangwa olwanzo lwaghu oluteleghula ni lubuya kwilaba engebe,Eminywa yaghe ikendisyakuhalamba.
4 Kutya ngendisyakupipa omo ngebe yeghe yosi;Ngendisyasumba ebyala ngasaba oko rina lyaghu.
5 Nighutire* erighabo eryuwene n’erinunire,*Neryo obuno bwaghe bukendikupipa, obutseme ibune oko minywa yaghe.
6 Ngakwibuka inine omo ngyingo yaghe;Ngaghaniraya okw’iwe omo kiro kyosi.
7 Kusangwa uli muwatikya waghe,Kandi nguta obwogho bw’obutseme omo kyutsutsu ky’ebipupa byaghu.
8 Ngakumakirira;*Ebyala byaghu by’amali bikanimakirira ndeke.
9 Nikwa abakasonda eribughaho engebe* yagheBakendyongoberera omo kitaka.
10 Bakendisyahirwa omo maka w’omuyaliBakendisyabya kalyo k’esyombwa sy’omoli.*
11 Aliwe omwami akendisyatsema busana n’oMungu.
Obuli mundu oyukalahiraya omo rina ry’oMungu akendisyayisyandira,*Kusangwa obuno bw’abakabugha amabehi bukendisyahunibwa.
Amaelezo awehikwa
^ Kutse “enafsi yaghe ikwire enyota.”
^ Kinywa kwa kinywa, “omubiri waghe akalembera.”
^ Kutse “enafsi yaghe ikughuta.”
^ Kinywa kwa kinywa, “enafsi yaghe yiri ng’eyighutire.”
^ Kutse “enafsi yaghe ikakumakirira.”
^ Kutse “eribughaho enafsi yaghe; erinita.”
^ Kutse “emyondo; eminengele.” Omwondo ni muhanda w’embwa y’omoli.
^ Kutse “bakendisyayihalamba.”