Esyonyimbo 64:1-10
-
Eriteghibwa oko bitegho ebibisire
-
“OMungu akendisyalasabo” (7)
-
Oko musondoli. Omuziki wa Daudi.
64 Mungu, wowe omulenge waghe ngakulemba-lemba.
Uteghaye obuyingo bwaghe okw’ubahya ry’enzighu.
2 Unibise oko syombita sy’ababi,Oko kikumula ky’abakokola ebibi.
3 Bakaghusungula esyondimi syabo ng’omuyali;Bakalengerera ebinywa byabo ebikalire ng’omusoha,
4 Erilasa oyuteko olubanza ibane aho babisamire;Bakamulasa omw’ilimbya butsira buba.
5 Bakamakirira kutsibu amalengekania* wabo mabi.
Bakakanaya nga bangabisa bati ebitegho byaboBakabugha bati: “Oyukendilangirabyo nindi?”
6 Bakasondekanaya esyonzira nyihya-nyihya sy’erikolamo ebibi.
Omo bubiso-biso bakapanga ngoko bangaberererya esyombita syabo nyibi;Amalengekania awali omo mutima w’obuli mundu syangaminywa.
7 Nikwa oMungu akendisyalasabo;Omw’itsumbukania, bakendisyalaswa omo musoha.*
8 Olulimi lwabo lo lunemwendisyaleka ibawa;Abosi abakendisyalangira ekyo, bakendisyatsingya-tsingya emitwe yabo.
9 Neryo abandu bosi bakendisyubaha,Kandi bakendisyatulaghania omwatsi ow’ebyo oMungu abirikola,Kandi bakendisyayiteghererya emibiiri yiwe.
10 Omutunganene akendisyatsema busana na Yehova n’erisaghira eyo ali,Abosi abahikene omo mitima bakendisyayisyandira.*
Amaelezo awehikwa
^ Kutse “bakahiranamo omuhwa w’erikola ebibi.”
^ Kutse “omushale.”
^ Kutse “bakendisyayihalamba.”
