Esyonyimbo 65:1-13
Oko musondoli. Omuziki wa Daudi. Olwimbo.
65 Mungu, eripipa rinakulindire e Sioni;Tukendikuliha ebyo twabiriyilagha.
2 Iwe ukahulikirira emisabe, abandu b’emihanda* yosi bakendisyasa eyo uli.
3 Ebibi byaghe byabirinibundamirya,Aliwe ukakuningira amalolo wetu.
4 Obutseme buli oko oyo ukasombola n’erileta hakuhiEriikala omo bibugha byaghu.
Tukendisyatsemera obubuya bw’enyumba yaghu,Ehekalu* yaghu eyibuyirire.
5 Ukendisyatusubirya omo mibiiri eyikubahaya kutsibu ey’eritunganene,Iwe Mungu w’omulamo wetu;Esyonduli syosi sy’ekihugho niwe sikayiketeraKutya n’abali oko syongetse sye hali.
6 Muwahanda* ebitwa omo maka waghu;Wambite* obutoki.
7 Ukabonderaya* esyongetse esighungire,Erihuha ry’ebisunda byasyo, n’olukanda lw’ebihanda.
8 Abikalani b’omo biharo bya hali bakendisyasweka busana n’emibiiri yaghu ey’eryubahya.
Ukendisyaleka abandu abikere eyo eryuba rikasira erihika eyo rikalengera ibuta obwogho bw’obutseme.
9 Ukasulubirira ekihugho,Ukaleka ekihugho ikyerya* kutsibu n’eribyamo omukene.
Olusi olukalua eyiri oMungu loswiremo amaghetse;Ukateghekaniraya abandu b’akalyo,Kusangwa ko wahangyika ekihugho kyo utya.
10 Ukatsapaya amalima wakyo n’erilingirirania omutaka wakyo owabirilimwa,*Ukolobayakyo omo mbula; ukatsumula ebikalasa kukyo.
11 Ukambalaya omwaka w’embita omo bubuya bwaghu;Ehosi eyo ukalaba yikabya ebindu bingyi bibuya.*
12 Amalisiryo w’omo mbwarara syalihwamo* ebiti bibisi,N’ehitwa hyambite obutseme.
13 Amalisiryo oswiremo ebihangulo,N’emisya* yoswiremo engano.
Bikasumba emilenge y’erikinda, inga, bikimba.
Amaelezo awehikwa
^ Kinywa kwa kinywa, “emibiri yosi.”
^ Kutse “ahabuyirire.”
^ Kinywa kwa kinywa, “Iye.”
^ Kinywa kwa kinywa, “Iye.”
^ Kinywa kwa kinywa, “Iye.”
^ Kinywa kwa kinywa, “ikyabyamo omutswagho.”
^ Kutse “amahya wakyo.”
^ Kinya kwa kinywa, “yikatoghonga ebisabu.”
^ Kinywa kwa kinywa, “akatoghongaya.”
^ Kutse “amabanda.”
