Esyonyimbo 66:1-20
Oko musondoli. Olwimbo. Omuziki.
66 Inywe bikalani bosi b’ekihugho, musumbire oMungu y’emilenge y’obutseme.
2 Mwimbe mukapipa* erina riwe ry’olukengerwa.
Muhe eripipa riwe ry’olukengerwa.
3 Mubwire oMungu muti: “Emibiiri yaghu ka ni y’eriswekera!
Busana n’akaghala kaghu kanene,Esyonzighu syaghu sikendisyunama embere syaghu busana n’obuba.
4 Abikalani bosi b’ekihugho bakendisyunama embere syaghu;Bakendisyimba bakakupipa;Bakendisyimba bakapipa erina lyaghu. (Sela)
5 Mwase, mulebaye emibiiri y’oMungu.
Akakolera abaghala b’abandu emyatsi ey’eriswekera.
6 Mwayira engetse mo kitaka ekyumire,Mubasoka olusi omo bisando.
Eyo mutwatsema busana n’ekyo atukolera
7 Akatabala kera na kera omo butoki bwiwe.
Ameso wiwe akabya inyanasamalire ebihanda.
Ab’erighundu sibayihamaye. (Sela)
8 Inywe bitunga by’abandu mupipe oMungu wetu,Kandi mowisaye omulenge w’eripipa riwe.
9 Akaleka itwabya ituneho;*Syalileka ebisando byetu bikatwikala.*
10 Kusangwa, Mungu, wabiritutsopolya;Ngoko efeza* ikaneribawa, netu ko wabiritwerya utya.
11 Muwatuhamba omo butimba bwaghu bw’erihighamo;Muwatuhekya* emiheke eyilitohire kutsibu.
12 Muwalighira omundu buyira atulyatangire;*Mutwalaba omo muliro n’omo maghetse;Neryo muwatuleta ahali eriluhuka.
13 Ngendisyasa omo nyumba yaghu n’amahere w’eryokererya;Ngendisyakuliha ebyo nabiriyilagha
14 Ebyo eminywa yaghe yalaghaN’ebyo obuno bwaghe bwabugha omughulu nabya omo maligho.
15 Ngendisyakuherera obuhere obw’esyonyama esinunireHaghuma n’omuki w’esyombangale sy’amahere.
Ngendisyakuherera esyonume sy’esyonde haghuma n’esyombaya. (Sela)
16 Inywe bosi, inywe mukubaha oMungu,Mwase muhulikirire, ngendibabwira ebyo abirinikolera.*
17 Obuno bwaghe mubwamulakiraKandi munamuhalamba omo lulimi lwaghe.
18 Ko nabya nibikire omwatsi mubi omo mutima waghe,Yehova syanganihulikirire.
19 Aliwe oMungu mwanyowa;Mwahulikirira omusabe waghe.
20 OMungu apipawe; mwataghana eryowa omusabe waghe.
Kutse erinikagha olwanzo lwiwe oluteleghula.
Amaelezo awehikwa
^ Kutse “mutunge akasimo.”
^ Kutse “akahira esyonafsi syetu omo ngebe.”
^ Kutse “bikaghuna-ghuna.”
^ Ni kindu ky’obughuli ekikalua omo kitaka.
^ Kinya kwa kinywa, “muwahira oko mbindi syetu.”
^ Kinywa kwa kinywa, “oko mitwe.”
^ Kutse “ebyo abirikolera enafsi yaghe.”
