Esyonyimbo 68:1-35
Oko musondoli. Olwa Daudi. Omuziki. Olwimbo.
68 OMungu ahangane, esyonzighu siwe sipanza-panzawe,N’abosi abamuponire batibite erilua embere siwe.
2 Uhighirebo hali, ngoko erihunga rikanahekera omuki wo hali;Ngoko ebisese* bikanayeyuka embere sy’omuliro,N’ababi ko banahere batya embere sy’oMungu.
3 Nikwa abatunganene bayisyandire;Batseme embere sy’oMungu;Inga, batseme n’eritsanga.
4 Mwimbire* oMungu, mwimbe mukapipa erina liwe.
Mwimbire oyukalaba omo bwerere bw’embwara.*
Erina liwe ni Yah!* Mutseme embere siwe.
5 Tata w’esyongubi, n’oyukateghaya* abakwa-kaliNi Mungu omo bwikalo bwiwe obubuyirire.
6 OMungu akaha abali ibibene b’enyumba y’eriikalamoAkabohola abali omo muliki n’erileka ibatoka omo ngebe.
Nikwa ab’erighundu* bakendisyikala omo kitaka ekyumire.
7 Mungu, omughulu wasondola* abandu baghu,Omughulu walaba omo mbwarara, (Sela)
8 Ekitaka mukyalabamo omusiki;Olubula mulwatoghongya* embula busana n’oMungu.
Ekitwa kye Sinai eki mukyasuka-sukana busana n’oMungu, oMungu wa Israeli.
9 Mungu, muwawisya embula nene;Abandu baghu* ababya ibabiriluha muwatasyahabo akaghala.
10 Mubikala omo kambi yaghu y’amahema;Mungu omo bubuya bwaghu muwaha abera ebyo balaghireko.
11 Yehova akalayira ati;Abakali abakatulaghanaya engulu mbuya ni mulondo munene w’abasuda.
12 Abami n’emilondo yabo y’abasuda bakatibita!
Omukali oyulyasighala eka akahabawa oko biryanyeghawa.
13 Inywe balume, nomo munalue mughotsere oko miriro y’ekambi,*Eyo, mukendisyahabwa akalikuku akawite ebipupa by’efeza,*Ebipupa by’ehoro ey’erire.*
14 Omughulu Omutoki w’Ebyosi apanza-panza abami bayo,E Zalmoni* muyawa enzururu.
15 Ekitwa kye Bashani ni kitwa ky’oMungu;*Eikitwa kye Bashani ni kitwa ky’esyosingyi.
16 Inywe bitwa ebiriko esyosingyi,Busanaki mukasamalira omw’itsura ekitwa ky’oMungu ekyo abirisombola?*
Oko kwenene Yehova akendisyikala eyo kera na kera.
17 Esyongurubani* sy’amalwa sy’oMungu ni makumi w’amaelfu, amaelfu n’amaelfu.
Yehova abirihika omo habuyirire akalua e Sinai.
18 Yah, Mungu, muwahetukira endata;Muwaheka abalume mo banyewa;Muwimyabo mo bihembo,Ingaa, nibya n’ab’erighundu utoke eriikala omo kati-kati kabo
19 Yehova apipawe oyukaheka omuheke wetu obuli kiro,OMungu w’ekwenene oyukatulamaya. (Sela)
20 Okw’itwe oMungu w’ekwenene ni mulamya;Na Yehova, Omukama Mukulu oko Bosi akalamaya oko luholo.
21 Kwenene oMungu akendisyatulanga emitwe y’esyonzighu siwe,Akahuli-huli k’owosi-wosi oyukaghanira omo rilolo* liwe.
22 Yehova abiribugha ati: “Ngendisyasubulyabo erilua e Bashani;Ngendisyasubulyabo erilua omo mitobero y’engetse,
23 Neryo iwasabika ekisando kyaghu omo musasiN’olulimi lw’esyombwa syaghu ilwalyatsirira omusasi w’esyonzighu.”
24 Mungu, bakalangira emilondo* yaghu,Emilondo y’oMungu waghe, Omwami waghe, ikingira omo habuyirire.
25 Abimbi bane embere, n’abawati b’ebyombo by’omuziki eby’esyosinga banabakwamire;Omo kati-kati hane abambesa abanemuwata ehikeleya.*
26 Mupipe oMungu omo syondeko esihindene haghuma;*Mupipe Yehova, inywe muwite engebe erilua oko Tata wa Israeli.
27 Eyo Benyamini omulere oko bosi akaghondayabo,N’abanya-mwami be Yuda haghuma n’ebikumula byabo by’abandu abakaleta olukanda,Abanya-mwami ba Zebuloni, abanya-mwami ba Naftali.
28 OMungu waghu abirihamula ngoko ukendisyabya n’akaghala.
Mungu, ukanganaye amaka waghu, iwe wabirituwatikya.
29 Abami bakendisyakuleteraEbihembo busana n’ehekalu yaghu eyiri e Yerusalema.
30 Uhayire esyonyama sy’omoli esiri omo lubingu,Esyonume sy’esyonde esihindene n’ebyana byasyo,Erihika omughulu abandu bakendisyunama n’erileta ebihande by’efeza.*
Nikwa akapanza-panza* ebitunga by’abandu abakatsemera amalwa.
31 Ebindu by’ekwivre* bikendisyaletwa* erilua e Misri;Kushi akendisyanguha eriletera oMungu y’ebihembo.
32 Inywe mami w’ekihugho, mwimbire oMungu,Mwimbe* mukapipa Yehova, (Sela)
33 Oyukalaba omo kyanya mo hali erilua kera.
Mulebaye! Akabughaya omulumo omo mulenge wiwe, omulenge wiwe w’obutoki.
34 Mulighe ngoko oMungu awite amaka.
Obukulu bwiwe buli endata oko Israeli,N’amaka wiwe ali omo kyanya.*
35 Inyane omo habuyirire hiwe* hakulu, oMungu ni w’eryubahya kutsibu.
Iye ni Mungu wa Israeli,Oyukaha abandu b’amaka n’obutoki.
OMungu apipawe.
Amaelezo awehikwa
^ Kutse “ebihembo; ebisisi.”
^ Kutse “mutunge akasimo.”
^ Kutse alinga, “oko bitu.”
^ “Yah” ni kikuhi ky’erina Yehova.
^ Kinywa kwa kinywa, “omutsweri.”
^ Kutse “abakayisamambula.”
^ Kinywa kwa kinywa, “omughulu wabera embere.”
^ Kutse “mulwutula.”
^ Kinywa kwa kinywa, “omwandu waghu.”
^ Kutse alinga, “amatsunga w’esyombuli.”
^ Ni kindu ky’obughuli ekikalua omo kitaka.
^ Kutse “eyirimo erangyi y’ekiti kibisi n’erangyi y’ekisande (ey’ejone).”
^ Kutse “Ezalmoni muyabya ngayamawa esyonzururu (amatsuku).”
^ Kutse “ni kitwa kinene kutsibu.”
^ Kutse “ekyo akayitsutsa.”
^ Kutse “emitoka y’amalwa eyikakurawa; esyosharyo.”
^ Kutse “oyukalendera omo rilolo riwe.”
^ Kutse “emikobo.”
^ Kutse “ehighoma hy’omo byala.”
^ Kinywa kwa kinywa, “omo mihindano minene-minene.”
^ Ni kindu ky’obughuli ekikalua omo kitaka.
^ Kutse alinga, “akalyatangira ahisi.”
^ Kutse “omulinga owaghangere; ebronze.”
^ Kutse alinga, “abatumwa bakendisyasa ne.”
^ Kutse “mutunge akasimo.”
^ Kinywa kwa kinywa, “omo bitu.”
^ Kinywa kwa kinywa, “haghu.”
