Esyonyimbo 69:1-36
Oko musondoli; luleghere oko “Biranga-ranga.” Olwa Daudi.
69 Mungu, unisabule, kusangwa amaghetse akahira engebe* yaghe omo bwiko.
2 Nabiritobera omo londo luli-luli, ahate ekitaka ekisikire.
Nabirihika omo mutobero w’amaghetse,Olusi olutibitire lwabirinisendya.
3 Nabiriluha busana n’emilake;Omumero waghe abiryuma.
Ameso waghe abirilembera* ngalindirira oMungu waghe.
4 Abaniponire isihali n’ekikalekaNi bangyi kwilaba n’esyonzwiri sy’oko mutwe waghe.
Abanganibughaho, esyonzighu* syaghe esikanighoberaya, syabiribya nyingyi.
Nabirikaswa erilwika ekyo natiba.
5 Mungu, unasi obukiru bwaghe,N’erilolo lyaghe sighutagherwelyo.
6 Abayiketere we isibahemuka busana naghe,Mukama Mukulu oko Bosi, Yehova w’emilondo.
Abakakusonda-sonda isibahemulawa busana naghe,Mungu wa Israeli.
7 Ngatsumawa busana naghu;Erikuta-kuta lyoswire oko busu bwaghe.
8 Nabiribya oyutasibwe oko baghala betu,Ow’ehandi oko baghala ba mama waghe.
9 Omuhwa w’enyumba yaghu akaghulumira emwisi syaghe,N’ebitsumi by’abakakutsuma bikanihikako.
10 Munatsumwa omughulu nayikehaya* omw’ikola amafungo.*
11 Omughulu nambala olukimba lw’esaki*Mubabya bakanisekererya.*
12 Abikere oko lukyo lw’omuyi, ingye bakasiba bakakaniako,N’abatamiri, ingye bakimba omo syonyimbo syabo.
13 Nikwa ngakusaba Yehova,Omusabe waghe akuhikeko oko ndambi eyitolere.
Omo bungyi bw’olwanzo lwaghu oluteleghula, Mungu,Unisubiraye omo mibiiri yaghu y’erilamya ey’ekwenene.
14 Unisabule omo londo;Isiwaleka ngatobera.
Unilamaye oko baniponire,N’erinilusya omo mitobero y’amaghetse.
15 Isiwaleka erighunga ly’amaghetse awakatibita likanisendya,Kutse isiwaleka emitobero y’amaghetse ikanitomera,Kutse isiwaleka ekyuna ky’amaghetse kikanilibira omo buno bwakyo.
16 Yehova, unisubiraye, kusangwa olwanzo lwaghu oluteleghula ni lubuya,Ubinduke, unitungerere busana n’obughanyiri bwaghu bunene,
17 Kandi isiwabisa omughombe waghu y’obusu bwaghu.
Unisubiraye luba, kusangwa indi omo bulighe.
18 Wase hakuhi, neryo unilamaye;*Unilamaye oko syonzighu syaghe.
19 Unasi eritsumwa lyaghe, erihemulwa lyaghe, n’erikuta-kutibwa lyaghe.
Ukalangira esyonzighu syaghe syosi.
20 Ebitsumi byabiribuna omutima waghe, n’ekironda ekyo sikyangalama.*
Nabya n’amaha w’erisyawibwako, nikwa muhatabanika n’omughuma,Nabya n’amaha w’eribana abakirania, nikwa muhatabanika n’omughuma.
21 Aliwe omo mwanya w’akalyo, mubamba esumu,*N’omughulu nakwa enyota mubamba edivai eyipakere.
22 Emesa yabo ibye kitegho busana nabo,N’erilola embere lyabo, libye kitegho.
23 Ameso wabo abyemo omwirimya, isibalangira,Kandi uleke esyombindi syabo sibye sikatitimana emighulu eyosi.
24 Utulire kubo kw’erihitana* lyaghu,Erihitana lyaghu erikaghulumira libahikeko.
25 Aho bapangire* habye kima;N’omo mahema wabo simubye mundu.
26 Kusangwa bakakwamirira oyo wahunza,N’erisubirira omo maghali w’abo wabirihutalya.
27 Oko lubanza* lwabo utomekeko olundi,Kandi isibabana erighabo oko ritunganene lyaghu.
28 Basangulawe omo kitabu ky’abaliho,*Kandi isibaghanzawa omo kati-kati k’abatunganene.
29 Nikwa niri omo bulighe kandi ngaghalawa.
Mungu unilamaye kandi uniteghaye.
30 Ngendisyimba ngapipa erina ly’oMungu,Kandi ngendisyamuhalamba n’erimuha ewasingya.
31 Eki kikendisyatsemesya Yehova kwilaba n’enume y’ende,Kwilaba omusuko w’enume y’ende eyiwite amahembe n’ebighera.
32 Abolo bakendisyalangirakyo neryo ibatsema.
Inywe mukasonda-sonda oMungu, emitima yenyu isube.
33 Kusangwa Yehova anahulikirire omwera,Syendisyaghana abandu biwe abali omo bunyewa.
34 Olubula n’ekihugho bimupipe,Esyongetse n’ebyosi ebikalaba-laba musyo.
35 Kusangwa oMungu akendisyalamya e SioniN’eritasyahimba emiyi ye Yuda,Nabo bakendisyikalayo n’erisighalyayo.*
36 Abana b’abaghombe biwe bakendisyasighalyayo,N’abanzire erina liwe bakendisyikala muyo.
Amaelezo awehikwa
^ Kutse “abirihika oko nafsi yaghe.”
^ Kutse “akaluha.”
^ Kutse “esyonzighu isihali n’ekikaleka.”
^ Kutse “omughulu nakehaya enafsi yaghe.”
^ Kutse “omughulu nalira n’erikola amafungo.”
^ Kinywa kwa kinywa, “munabya musyo.”
^ Kutse “epiri; olukimba lw’ekiriro.”
^ Kutse “useghere ahali enafsi yaghe n’eritongolyayo.”
^ Kutse “ngasonda eritwa amaha.”
^ Kutse “ebiti ebirimo esumu.”
^ Kutse “erikarama.”
^ Kutse “ekambi eyitimbireko oluhimbo.”
^ Kutse “omusango.”
^ Kutse “ekitabu ky’engebe.”
^ Ni bugha ambu, ekihugho.
