Esyonyimbo 7:1-17
-
Yehova ni Mutsweri oyutunganene
-
“Yehova, unitswere” (8)
-
Olwimbo lw’ekiriro lwa Daudi olo imbira Yehova busana n’ebinywa bya Kusi Omubenyamini.
7 Yehova Mungu waghe nabirironda obusayiro eyo uli.
Unilamaye oko bosi abakaniendereraya, kandi unisabule.
2 Bite bitya ibakendinitulanga* mo bitswe-bitswe ngoko endale* ikatulanga enyama,Ibaniheka isihali oyo wanganilamya.
3 Yehova Mungu waghe, oko mwatsi oyu, namabya inabirikola ekosa,Namabya inabirikola ekibi kyosi-kyosi,
4 Namabya inabirikolera muhanda oyukanikolera ndeke,Kutse namabya inabirihunga ebindu by’enzighu yaghe isihali ekikaleka,*
5 Kyamabya kitya enzighu yaghe inikwame n’erinihamba;*Ilyatangirire engebe yaghe y’ahisi oko kitakaN’erileka olukengerwa lwaghe ilwaherera omo lututu. (Sela)
6 Yehova uhangane omw’ihitana lyaghu;Uhangane, ulwe n’erikarama ly’esyonzighu syagheUbuke uniwatikaye, kandi ubughe uti eritunganene likolawe.
7 Ebihanda bikutimbeko;Naghu ukendilwa nabo erilua endata.
8 Yehova akendisyatswera ebihanda.
Yehova unitswere, erikwamana n’eritunganene ryagheN’erikwamana n’eriluyirirana lyaghe.
9 Ngakusaba ubugheho emibiiri y’abakola-nabi.
Nikwa uhanganaye eritunganene,Kundi uli Mungu oyutunganene, oyukayiteghereraya emitima n’amalengekania w’emwisi-mwisi.*
10 OMungu ni ngabo yaghe, Omulamya w’abawite emitima eyilungukere.
11 OMungu ni Mutsweri oyutunganene,Kandi oMungu akatulaghanaya eritswera* liwe obuli kiro.
12 Omundu amatendiyisubako, oMungu akaghusungula omuyali wiwe;Akakakaya obuta bwiwe n’eribya inianateghekeniebo.
13 Akateghekanaya ebimano biwe by’amalwa ebikita;Akateghekanaya emisoha yiwe eyikaka.
14 Mutungerere oyuhekire ebibi mo bukule;Akaheka obutsibu mo bukule n’eributa amabehi.
15 Akatakula ekyuna inyayirakyo mo kiri-kiri,Nikwa yukanatoghera omo kyuna ekyo alyatakula.
16 Obuhanya obo akaleta bukasuba oko mutwe wiwe,Omwagha wiwe akendisyatoghera oko kahuli-huli kiwe.
17 Ngendipipa Yehova busana n’eritswera riwe omo ritunganene;Ngendiimba* ngapipa erina lya Yehova ow’Endata Kutsibu.
Amaelezo awehikwa
^ Kutse “eritulanga enafsi yaghe.”
^ Kutse “esimba.”
^ Kutse alinga, “omughulu nabalaya oyukalwa naghe isihali ekikaleka.”
^ Kutse “erihamba enafsi yaghe.”
^ Kutse “Oyukalenga omutima n’esyombiko.”
^ Kutse “akabughaya erihayira liwe.”
^ Kutse “ngenditunga akasimo.”
