Esyonyimbo 71:1-24
71 Yehova, nabirikuyira mo busayiro bwaghe.
Isinasyahemulawa n’ahake.
2 Omo ritunganene lyaghu, unilamaye n’erinisabula.
Uteghe okutu,* unisabule.
3 Ubye busana naghe olukuka olusikireAho nangabya ngingira mughulu wosi.
Uhamule nilamibawe,Kusangwa uli lukuka lwaghe n’ahakongotere haghe.
4 Mungu waghe unilamaye erilua omo byala by’ababi,Oko munubya oyo wabirinihamba.
5 Kusangwa iwe maha waghe, Yehova Mukama Mukulu oko Bosi;Nabirikuyiketera* eritsuka omo bulwana bwaghe.
6 Eritsuka okw’ibutwa, ngayiketera we;N’iwe wanilusaya omo nda ya mama waghe,Ngakupipa emighulu yosi.
7 Nabiribya ng’ekitiko-tiko oko bangyi,Nikwa uli busayiro bwaghe obusikire.
8 Obuno bwaghe bwoswiremo eripipa lyaghu;Ngakanaya oko lukengerwa lwaghu omo musibo wosi.
9 Isiwanighana omo busyakulu bwaghe;Isiwanisighanaya amaka waghe akahwa.
10 Esyonzighu syaghe sikanibughako muhanda,N’abakasonda-sonda eribughaho engebe* yaghe bakaya embita yo haghuma,
11 Bati: “OMungu abirimusighania.
Tumukwamirire tumuhambe, kusangwa sihali oyo wangamulamya.”
12 Mungu, sighubye hali okw’ingye.
Mungu waghe, wanguhe uniwatikaye.
13 Abakalwa naghe,*Bahemulawe n’eriheribwa.
Abakasonda erinyaghalya,Bahemuke n’erikuta-kuta.
14 Nikwa ingye, ngendilola embere erilinda;Ngendikupipa kutsibu.
15 Obuno bwaghe bukendisyakania oko ritunganene lyaghu,Omo musibo wosi ngendisyakania oko mibiiri yaghu y’erilamya,Nomo nite nangatoka erihambayo omo bwenge,* kundi ni mingyi kutsibu.
16 Ngendyasa n’erikania oko mibiiri yaghu y’obutoki,Mukama Mukulu oko Bosi, Yehova;Ngendihula eritunganene lyaghu, elyaghu lisa.
17 Mungu, wabirinikangirirya eritsuka omo bulwana,N’erihika lino, nikinatulaghanaya emibiiri yaghu y’eriswekera.
18 Mungu, nibya n’omughulu namabibya musyakulu n’ow’esyombwi, isiwanisighanaya.
Iwaleka inakanirya ekizazi* ekikwamire oko butoki* bwaghu.
N’erikanirya abosi abakendisyasa oko maka waghu.
19 Mungu, eritunganene lyaghu, lihikire oko lubula;Wabirikola emyatsi y’eriswekera;Mungu nindi yuli nga we?
20 Nomo wanabirileka inalola oko malighe mangyi n’obuhanya bunene,Utasyasubya amaka waghe;Unilusaye omo mitobero* y’ekitaka.
21 Ukanyaye olukengerwa lwagheUnitimbayeko obuteya bwaghu n’erinikirania.
22 Neryo nasyakupipa omo kyombo ky’omuziki eky’esingaBusana n’obutaleghula bwaghu, Mungu waghe.
Nasyimba ngakupipa* omo nanga,Iwe Mubuyirire wa Israeli.
23 Eminywa yaghe ikendisyuta obwogho bw’obutseme ngakupipa omo lwimbo.
Kusangwa wabirilamya engebe* yaghe.
24 Omo musibo wosi olulimi lwaghe lukendisyakania* oko ritunganene ryaghu,Kusangwa abakasonda-sonda eriheribwa lyaghe bakendisyahemulwa n’erikuta-kuta.
Amaelezo awehikwa
^ Kutse “uname n’erinihulikirira.”
^ Kutse “n’iwe eriyiketera lyaghe.”
^ Kutse “abakasonda-sonda enafsi yaghe.”
^ Kutse “abakalwa n’enafsi yaghe.”
^ Kutse “erighanzayo.”
^ Kutse “olulengo.”
^ Kinywa kwa kinywa, “okuboko.”
^ Kutse “emitobero y’amaghetse.”
^ Kutse “nasyakutungira akasimo.”
^ Kutse “wabiritongolya enafsi yaghe.”
^ Kutse “ngendisyaghanirya oko.”