Esyonyimbo 72:1-20
Lukanirye oko Solomona.
72 Mungu, ukangiriraye omwami y’eritswera lyaghu,Kandi uhe omughala w’omwami y’eritunganene lyaghu.
2 Akwamirire emyatsi y’abandu baghu omo ritunganene,N’ey’abandu baghu abahanya, omo bulingirirania.
3 Ebitwa biletere abandu b’obuholo,N’ehitwa hilete eritunganene.
4 Alwire* oko bahanya omo kati-kati k’abandu,Alamaye abaghala b’abera,N’erihinolera omwibi.*
5 Eryuba rikineho, n’omughenda akinehoBakendisyakubaha,Ekizazi* oko kindi.
6 Akendisyabya ng’embula eyikawa oko biti ebyabiritwibwa.
Ng’embula y’obunyenye* eyikaheheraya ekitaka.
7 Omo biro biwe, omutunganene akendisyayisyandira,*N’obuholo bukendisyabya bunene erihika omughulu omughenda akendisyabya isyakiri.
8 Abandu abo akatabala* bakendisyatsuka oko ngetse erihika oko yindiEritsuka oko lusi* erihika oko nduli sy’ekihugho.
9 Abikalani b’omo mbwarara bakendisyunama embere siwe,N’esyonzighu siwe sikendisyalyatsira olututu.
10 Abami be Tarsisi n’ab’omo bitsira bakendisyamuha omuhako.
N’abami be Sheba n’abe Seba bakendisyaleta ebihembo.
11 Abami bosi bakendisyunama embere siwe,N’ebihanda byosi bikendisyamukolera.
12 Kusangwa akendisyalamya abera abakalaka bakasaba obuwatikya,Kutya n’omuhanya n’owosi-wosi oyutawite muwatikya.
13 Abahanya n’abera akendisyakwirabo obulighe,Kandi akendisyalamya esyongebe* sy’abera.
14 Akendisyalamyabo* oko munubo n’oko butsururu,N’omusasi wabo akendisyabya w’obughuli omo meso wiwe.
15 Abyeho kandi ahabawe ehoro ye Sheba.
Asabirawe butumbya,Kandi atsumulawe omo musibo wosi.
16 Oko kihugho kukendisyabya akalyo* kanene kutsibu;Kakendisyusula oko bitwa.
Amalima w’omwami akendisyahetya amatunda nge Lebanoni,N’omo miyi mukendisyabya abandu bangyi ng’ebiti ebikalasa oko kitaka.
17 Erina liwe ribyeho kera na kera,Kandi rikote ng’eryuba.
Abandu bayibanire emiyisa erilabira iye;Ebihanda byosi bimwahule mo yutsemire.
18 Yehova Mungu apipawe, oMungu wa Israeli,Iye musa yukakola emyatsi y’eriswekera.
19 Erina liwe ly’olukengerwa ripipawe kera na kera,N’olukengerwa lwiwe lusule omo kihugho kyosi.
Amina, Amina.
20 Emisabe ya Daudi mughala wa Yese, yamatwirya aho.
Amaelezo awehikwa
^ Kinywa kwa kinywa, “atswere.”
^ Kutse “omubandi.”
^ Kutse “olulengo.”
^ Kutse “embula y’omutotoyo.”
^ Kinywa kwa kinywa, “akendisyalasa.”
^ Kutse “akendisyatabala.”
^ Ni bugha ambu, e Efrati.
^ Kutse “esyonafsi.”
^ Kutse “akendisyatongolya esyonafsi syabo.”
^ Kutse “enafaka.”
