Esyonyimbo 73:1-28
Omuziki wa Asafu.
73 OMungu ni mubuya kundu oko Israeli, oko b’emitima eyerire.
2 Nikwa ingye, ebisando byaghe byabya ibikisiya ibyahera;Ebisando byaghe byabya ibikisiya ibyatendera.
3 Kusangwa munatsura abakayiheka*Omughulu nalangira ngoko ababi bali omo buholo.
4 Kusangwa bakahola butsira eryaghalwa;Emibiri yabo ikalire.*
5 Sibalihanga-hangaya ng’abandi bandu,Kutse eryaghalwa ng’abandi bandu.
6 Neryo emiyiheko yo bambite ng’omuseghe omo bikya byabo;Bambite obutsururu ng’olukimba.
7 Obuteke* bwabo bwabirileka ameso wabo iniabimba;Babiriyira oko bingyi kulenga ebyo babya bakalengekania omo mitima yabo.
8 Bakasekereraya n’eribugha emyatsi mibi.
Omo miyiheko, bakubahisaya ngoko bakendinubya abandi.
9 Bakabugha nga bali omo kyanya mw’endata,N’esyondimi syabo sikayihalamba omo kihugho.
10 Neryo abandu b’oMungu bakalola eyo bali,N’erinywa oko maghetse wabo mangyi.
11 Bakabugha bati: “OMungu akaminya ati?
Ow’endata Kutsibu anasi ebikalaba kwe?”
12 Abo bo babi; bali omo ngebe eyuwene ebiro byosi.
Bakabya ibanemukanyirirya obuteke bwabo.
13 Oko kwenene ngaluhira busa ngayitsinga eribya n’omutima ow’erireN’eribya n’ebyala ebiteko olubanza.
14 Munaghalwa omo mutima omo musibo wosi;N’omo buli tututu ingasuyirawa.
15 Nikwa ko nabugha emyatsi eyi,Nangabere inamahotera abandu baghu.*
16 Omughulu nabya ngayikasa eriminya omwatsi oyu,Ekyo mukyanyaghalya.
17 Erihika ekiro ningira ahabuyirie hakulu h’oMungu,N’eriminya ebiro byabo ebikasa.
18 Oko kwenene ukahirabo oko kitaka ekitendere.
Ukaleka ibawa n’erihera.
19 Bakalw’ibatoghotibwa luba!
Bakalw’ibahwaho bakasonda erihika oko nduli yabo eyikalire!
20 Yehova, ng’esyonzoli esikabulirana omundu akatsumbuka,Ukendibya wabuka, ukendighana* erisosa lyabo.
21 Nikwa omutima waghe mwakaliha,Kandi munowa obulumi bunene emwisi.*
22 Munabya mukiru n’oyutawite obwenge;Munabya ng’enyama eyitawite amenge, embere syaghu.
23 Nikwa lino niri haghuma naghu ebiro byosi;Wabiriniwatirira oko byala byaghe by’amali.
24 Ukanisondola omo rihano ryaghu,N’enyuma sy’aho, ukendinitwala oko lukengerwa.
25 Hane oghundi oyo niwite omo lubula ate ini we?
N’oko kihugho sihali ekindi ekyo ngayitsutsa ate ini we.
26 Omubiri waghe n’omutima waghe byanganaluha,Aliwe oMungu ni lukuka lw’omutima waghe n’erighabo ryaghe kera na kera.
27 Eribugha ekwenene, abakayihighula okw’iwe bakendisyaheribwa.*
Ukendisyabughaho obuli mundu oyukaleghula* iniakusighania.
28 Nikwa okw’ingye, ni kibuya eriyitunda hakuhi n’oMungu.
Nabiriyira Yehova, Omukama Mukulu oko Bosi mo busayiro bwaghe,Nitoke eritulaghania emibiiri yaghu yosi.
Amaelezo awehikwa
^ Kutse “abakayihalamba.”
^ Kutse “baliko amabunda.”
^ Kutse “ebisabu.”
^ Kinywa kwa kinywa, “ekizazi ky’abaghala baghu.”
^ Kinywa kwa kinywa, “ukendisyakwa nye.”
^ Kinywa kwa kinywa, “omo syombiko syaghe.”
^ Kutse “ukendisyahunia.”
^ Kutse “oyukabya mutswatswa.”
