Esyonyimbo 75:1-10
-
OMungu akatswera omo kwenene
-
Ababi bakendinywa ekikombe ky’oMungu (8)
-
Oko musondoli. Lulegherwe oko muziki “Isiwaheraya.” Olwa Asafu. Olwimbo.
75 Mungu tukakuha ewasingya, tukakuha ewasingya;Erina lyaghu riri hakuhi,N’abandu bakatulaghanaya emibiiri yaghu y’eriswekera.
2 Ukabuhga uti: “Omughulu ngahiraho endambi,Ngatswera omo ritunganene.”
3 Omughulu ekihugho n’abikalani bakyo bosi bahwerekerera,Ningye naleka esyonduyi syakyo isyabya isinasikire.” (Sela)
4 Ngabwira abakayihalamba niti, “Isimwayihalamba,”N’ababi niti, “Isimwahamaya akaghala* kenyu.
5 Isimwahamaya akaghala* kenyuKutse eribugha omo miyiheko.
6 Kusangwa erihamibwa siriryasiraOko luhande lw’eyo eryuba rikasira kutse oko luhande lw’eyo eryuba rikalengera kutse oko luhande lw’eyikwa.
7 Kusangwa oMungu ni Mutsweri.
Akakimaya omundu mughuma inyahamya oghundi.
8 Kusangwa ekikombe kine omo byala bya Yehova;Edivai inemubimba kandi itulunganibwe ndeke,Oko kwenene akendyutulayo,N’ababi bosi b’oko kihugho bakendinywayo erihika oko bidandabu.”*
9 Nikwa ingye ngendisyatulaghania eki erihika kera na kera;Ngendisyimba* ngapipa oMungu wa Yakobo.
10 Kusangwa akabugha ati: “Ngendisyatwa amaka* wosi w’ababi.
Nikwa amaka w’omutunganene akendisyahamibwa.”
Amaelezo awehikwa
^ Kinywa kwa kinywa, “erihembe.”
^ Kinywa kw akinywa, “erihembe.”
^ Kutse “engodokwe.”
^ Kutse “ngendisyatunga akasimo.”
^ Kinywa kwa kinywa, “amahembe.”
