Esyonyimbo 76:1-12
Oko musondoli; ni lw’eriimbira oko byombo by’omuziki eby’esyosinga. Omuziki wa Asafu. Olwimbo.
76 OMungu asibwe e Yuda;Erina liwe rikumayire omo Israeli.
2 Enyumba yiwe yiri e Salemu,N’obwikalo bwiwe buli e Sioni.
3 Eyo, mwatsutsanga emisoha* y’obuta eyikaka;Engabo n’omuyali n’ebyamano by’amalwa. (Sela)
4 Ukangabasenie kutsibu;*Uwite olukengerwa kulenga ebitwa ebikereko esyonyama esikahigha.
5 Ab’emitima eyitekwa obuba babirinyewa.
Babiriyato;Esyombangyi syosi musyabula akaghala.
6 Mungu wa Yakobo, omw’ihaya lyaghu,Esabayiri n’oyukaghendaya engurubani* babirikwa otughotseri tunene.
7 N’iwe musa oyukubahaya.
Nindi yo wangayiyinia okw’ihitana lyaghu erikalire?
8 Ighune elubula muwowisya eritswera;Ekihugho mukyubaha n’eribya bukutu
9 Omughulu oMungu ahangana eriberererya eritswera,Erilamya abolo bosi b’ekihugho. (Sela)
10 Kusangwa obuhitane bw’abandu bukendileka iwapipwa;Ukendiyipamba omo misighalira y’obuhitane bwabo.
11 Mulaghe Yehova kandi mubereraye eriyilagha ryenyu,Abosi abamutimbireko balete ebihembo byabo ibanubahire.
12 Akendisyakasa abasondoli b’emiyiheko* ibayikehya ibobene-bene;Akahira obuba omo bami b’ekihugho.
Amaelezo awehikwa
^ Kutse “emishale.”
^ Kutse “ekyakakala kikuswikire.”
^ Kutse “omutoka w’amalwa owakakurawa; esharyo.”
^ Kinywa kwa kinywa, “ekirimu.”