Esyonyimbo 78:1-72
Maskili.* Olwa Asafu.
78 Bandu baghe, muhulikirire emighambo* yaghe,Muteghe okutu oko binywa by’obuno bwaghe.
2 Ngendikumbula obuno bwahe omo musyo;Ngendikumbula esyondekerano sya kera.
3 Emyatsi eyo twowa n’eyo twasi,Eyo abotata-kulu wetu batukaniraya,
4 Sitwendisyabisayo abitsikulu babo;Tukendisyakanirya ekizazi* ekikasaEmikolere ya Yehova eyitolere eripipwa, n’amaka wiwe,Emyatsi y’eriswekera eyo abirikola.
5 Mwahiraho emyatsi y’eryibukya busana n’abana ba YakoboN’erihiraho omughambo omo Israeli;Mwalayira abotata-kulu wetuAti baminyisaye abana babo emyatsi eyi.
6 Neryo ekizazi* ekikasa,Abana abakendisyabutwa ibaminyayoNeryo nabo ibatoka erisyakaniryayo abana babo.
7 Neryo abana abo bakendisyayiketera oMungu.
Sibendisyibirirwa emibiiri y’oMunguNikwa bakendisyakwama ebyalayiro biwe.
8 Neryo ibatabya ng’abotata-kulu wabo,Ekizazi* ky’omutima* owakalire kandi ekikayisamambula,Ekizazi ky’abandu ababya bakayibinduka-bindukako omo mutimaKandi abatabya n’omutima w’erisighala bataleghula oko Mungu.
9 Abaefraimu babya n’obuta mo kimano ky’amalwa,Aliwe ekiro ky’amalwa mubasuba enyuma.
10 Mubatalola embere erisikya endaghane y’oMunguKandi mubaghana erikwama ebyalayiro biwe.
11 Kandi mubibirirwa n’ebyo abya iniabirikolaEmibiiri yiwe y’eriswekera eyo abakolera.
12 Mwakola emyatsi y’eriswekera omo meso w’abotata-kulu wabo,Omo kihugho kye Misri, ekiharo kye Zoani.
13 Mwaghaba engetse balabe muyo,Mwakyika amaghetse amimana.*
14 Omo musibo iniakasondolabo omo kituN’omo kiro kyosi omo kyakakala ky’omuliro.
15 Mwatulanga amabwe omo mbwarara,Mwanywisyabo amaghetse manene ng’awakalua omo mitobero, enyota yabo yamahwa.
16 Mwahulukya esyonyusi erilua omo ribwe.
N’erisendya amaghetse ng’esyonyusi.
17 Nikwa mubalola embere erimuhalyakoOmughulu bayisamambula oko w’Endata Kutsibu ibane omo mbwarara;
18 Mubalenga oko Mungu omo mitima yaboOmughulu basaba akalyo ako babya bakayitsutsa.*
19 Neryo mubabugha muhanda oko Mungu,Bati: “Kwe oMungu anganatoka erisesa emesa omo mbwarara?”
20 Lebaya! Mwaswirya eribweNeryo amaghetse amaluamo n’esyonyusi syamabwagha.
“Anganatuha n’omukati,Kutse anganaha abandu biwe b’enyama?”
21 Yehova abere abyowa ebyo, mwahitana kutsibu;Mwaleta omuliro w’erisuyira Yakobo,N’erihitana liwe mulyaghulumira oko Israeli
22 Kusangwa mubatabya n’obwikirirya;Mubatayiketera obutoki bw’oMungu bw’eribalamya.
23 Neryo mwalayira ebitu by’ekyanya,Kandi mwakingula esyongyo sy’olubula.
24 Mwabya akabawisirya amana mo kalyo;Mwahabo engano y’elubula.
25 Abandu mubalya omukati w’esyombangyi;*Mwahabo akalyo akatosire ako bangughuta.
26 Mwabukya omo kyanya erihunga ly’eyo eryuba rikasira,Kandi omo maka wiwe mwaleka erihunga ry’oko luhande lw’eyikwa iryabuhirira.
27 Kandi mwawisiryabo enyama ng’olututu,Esyonyunyu ng’omutsanga w’oko musike w’engetse.
28 Mwaleka isyawa omo kati-kati k’ekambi yiwe,Eritimba oko mahema wiwe.
29 Nabo mubahahukirasyo erihika okw’ikwa embihi;Mwahabo ebyo bayitsutsa.
30 Nikwa isibali banaghambwa ebyo bayitsutsa,Akalyo ikakine omo muno wabo,
31 Erihitana ry’oMungu mulyaghulumira kubo.
Mwita abalume b’amaka manene omo kati-kati kabo;Mwabugha emyusuko y’Abaisraeli.
32 Nomo banabana ebyosi ebi, mubahalya kutsibu okw’aho;Kandi mubatikirirya emibiiri yiwe y’eriswekera.
33 Neryo mwabughaho ebiro byabo ng’omuka buyira,N’emyaka yabo omo buhanya bw’ekitsumbukirania.
34 Nikwa obuli ngendo abya akitabo, ibakamusonda-sonda;Ibakasubula n’erisonda-sonda oMungu,
35 Ibakibuka ngoko oMungu yo Lukuka lwabo,Kandi ngoko oMungu, Ow’endata Kutsibu yo Mutongolya* wabo.
36 Nikwa mubasonda erimuteba omo buno bwaboN’erimubwira amabehi omo lulimi lwabo.
37 Mubatabya n’emitima eyisikire okw’iye;Kandi mubaleghula oko ndaghane yiwe.
38 Nikwa mwabya mughanyiri;Iniakaghanyira* erilolo ryabo; neryo isyaliherayaboNgendo nyingyi iniakakakiraya erihitana liweOmo mwanya w’eribukya erihitana riwe ryosi.
39 Kusangwa mwibuka ngoko ni bandu buyira,*Erihunga erikalaba isiryendisubula.*
40 Mubayisamambula okw’iye ngendo-ngendo omo mbwararaN’erimwita obulighe omo mbwarara!
41 Mubalenga oko Mungu ngendo nyingyi,Mubita Oyubuyirire wa Israeli y’obulighe.*
42 Mubatibuka amaka* wiwe,Ekiro abalamaya* oko nzighu.
43 Ngoko akanganaya ebiminyikalo biwe e Misri,N’ebitiko-tiko biwe omo kiharo kye Zoani,
44 Kandi ngoko abindula emighende ye Nile yamabya musasiNeryo ibatatoka erinywa oko syonyusi syabo.
45 Mwatuma eritu ly’ebisuki* bighalayebo,N’ebikere binubayebo.
46 Akalyo kabo mwahako esyongyike esikalya ng’omuliro,N’ebyo banubira amahabyo eritu ry’esyongyike.
47 Mwatsandya emiriki yabo y’emizabibu omo matwaN’emikuyu yabo omo matsuku.
48 Mwita omo matwa esyonyama syabo esyo bakakolesaya omo mubiiriN’eriita ebihangulo byabo omo karabyo.*
49 Mwaghalyabo omw’ihitana riwe erikaka,Erihitana n’erikarama n’obulighe,Emilondo y’abamalaika abakaleta obuhanya.
50 Mwatulira erihitana liwe ry’enziraMwatabalyabo* oko luholo;Kandi mwaleka ekihunzo kibapepaye.*
51 Oko nduli mwita ehimbere hyosi hye Misri,Enzuko y’amaka wabo w’eributa omo syohema sya Hamu.
52 Neryo mwahulukya abandu biwe ng’ekihanguloN’erisondolabo ng’ekihyo omo mbwarara.
53 Mwasondolabo omo buholo,Nabo mubatakwa obuba bosi-bosi;Engetse muyakuningira esyonzighu syabo.
54 Mwaletabo omo kiharo kiwe ekibuyirire,Ekihugho ky’ebitwa eki ekyahamba omo byala biwe by’amali.
55 Mwahigha ebihanda embere syabo;Mwaghabirabo omwandu omo muliki w’eripimamo;Mwikalya ebihanda bya Israeli omo miyi yabyo.
56 Nikwa mubalola embere erilenga oko Mungu, Ow’endata Kutsibu n’eriyisamambula okw’iye;Mubatayitsomanira ebibukyo biwe.
57 Kandi mubabinduka n’eribya batebya ng’abotata-kulu wabo.
Ibakabinduka-binduka ng’obuta obulegha-leghire.
58 Mubabera erimuhitania omo myanya yabo y’endata,Kandi mubamuhitania* omo syosanamu syabo esibatsire.
59 OMungu mwowa, neryo mwahitana kutsibu,Neryo mwaghana e Israeli kotse-kotse.
60 Oko nduli mwasighania etabernakulo ye Shilo,Ehema eyo abya iniabiriikalamo omo kati-kati k’abandu.
61 Mwaleka ekisosekanio ky’amaka wiwe kiye omo bunyewa;Olukengerwa lwiwe lwamaya omo byala by’enzighu.
62 Mwaligha abandu biwe bitawe omo muyaliKandi mwahitana kutsibu oko mwandu wiwe.
63 Omuliro mwahisya abalwana biwe,N’ababikira biwe mubatimbirwa esyonyimbo sy’obulunga.*
64 Abahereri biwe mubakwa omo muyali,N’abakwa-kali babo mubatalira.
65 Neryo Yehova mwabuka ng’oyukalua omo tughotseri,Ng’embangyi eyikabuka erilua omo murombe.
66 Neryo mwakinda esyonzighu siwe;Mwahemulasyo omo sisoni esitehwa.
67 Mwaghana ehema ya Yozefu;Mwatayisogha ekihanda kya Efraimu.
68 Nikwa mwayisogha ekihanda kya Yuda,Ekitwa kye Sinai, ekyo anzire.
69 Mwayira ahabuyirire hiwe hakote ng’olubula,*Ng’ekihugho ekyo abirihanda kera na kera.
70 Mwasombola omughombe wiwe ye DaudiN’erimulusya omo matsunga w’esyombuli,
71 Mwamulusya okw’isulubirira esyombuli esiriko ebyana;Mwamuyira mo mulisya wa Yakobo, abandu biwe,N’omulisya wa Israeli, omwandu wiwe.
72 Mwasondolabo n’omutima mughuma,*N’erisondolabo omo byala ebyasi omubiiri.*
Amaelezo awehikwa
^ Ulebaye Amaana w’ebinywa.
^ Kutse “erihana.”
^ Kutse “olulengo.”
^ Kutse “olulengo.”
^ Kutse “olulengo.”
^ Kinywa kwa kinywa, “eky’omutima owatateghekanibwe.”
^ Kutse “amabya ng’oluhimbo.”
^ Kutse “akalyo busana n’esyonafsi syabo.”
^ Kutse “ow’abamalaika.”
^ Kutse “oyukabakisiraya.”
^ Kinywa kwa kinywa, “iniakaswika.”
^ Kutse “abandu b’omubiri.”
^ Kutse alinga, “ngoko ekirimu kikaghenda isikyendisyasubula.”
^ Kutse “mubamwaghalya.”
^ Kinywa kwa kinywa, “ebyala.”
^ Kinywa kwa kinywa, “abatongolaya.”
^ Alinga ni bisuki ebikaluma ng’ebighuba.
^ Kutse alinga, “akapururu akakalire; omutsutsa.”
^ Kutse “mwatabalya esyonafsi syabo.”
^ Kutse “kipepaye esyongebe syabo.”
^ Kutse “mubaleka iniabya n’obuha.”
^ Kinywa kwa kinywa, “n’ababikira biwe mubatapipwa.”
^ Kiywa kwa kwa kinywa, “mwahimba ahabuyirire hiwe ng’ekyanya.”
^ Kutse “omutima owaluyirirene.”
^ Kutse “ebyala by’amenge.”
