Esyonyimbo 79:1-13
Omuziki wa Asafu.
79 Mungu ebihanda byabiriingira omo mwandu waghu;Byabiritsandya ehekalu yaghu eyibuyirire;Byabiriyira e Yerusalema mo kilundo ky’ebisambukalirya.
2 Byabiriha esyonyunyu sy’omo kyanya sy’ebinda by’abaghombe baghu mo kalyoN’eriha esyonyama sy’omoli emibiri y’abataleghula baghu.
3 Byabiryuta omusasi wabo ng’amaghetse eritimba oko Yerusalema,Kandi sihakiri oyo wangatabo.
4 Abahimbani betu babiritughonera;Abatutimbireko bakatutsambulikanaya n’eritusekererya.
5 Yehova ukendisyahitana erihika mughulu wahi?
Erihika kera na kera kwehi?
Erihitana lyaghu rikendyaka ng’omuliro erihika mughulu wahi?
6 Wute erihitana ryaghu oko bihanda ebitakwasiN’oko mami awatelakira erina lyaghu.
7 Kusangwa babiritoghotya YakoboKandi babiriyira ekihugho kiwe mo matongo.
8 Isiwatuhirako amalolo w’abosokulu wetu.
Utukanganaye luba obughanyiri bwaghu,Kusangwa tuli ahabi.
9 Mungu, Mulamya wetu utuwatikaye,Busana n’erina lyaghu ry’olukengerwa;Utulamaye kandi utughanyire* amalolo wetu busana n’erina lyaghu.
10 Busanaki ebihanda ibyabugha biti: “OMungu wabo ali hayi?”
Omo meso wetu ebihanda bilangire ngoko omusasi w’abaghombe baghu owabiryutika abirikisibwa.
11 Wowe erisimba ry’oyuli omo muliki.
Ukolesaye akaghala kaghu kanene* eriteya* ababiritswerwa oluholo.*
12 Yehova ulihe abahimbani betu ngendo 7
Busana n’amakaku agho babirikubughako.
13 Neryo itwe bandu baghu kandi kihangulo ky’olulisiryo lwaghuTukendisyakuha ewasingya kera na kera;Kandi tukendisyatulaghania eripipa lyaghu erilua oko kizazi* erihika oko kindi.
Amaelezo awehikwa
^ Kinywa kwa kinywa, “uswike.”
^ Kinywa kwa kinywa, “okuboko.”
^ Kutse alinga, “eribohola.”
^ Kinywa kwa kinywa, “abaghala b’oluholo.”
^ Kutse “olulengo.”
