Esyonyimbo 80:1-19
Oko musondoli. Luleghere oko “Mawa w’Elise.”* Ekibukyo. Olwa Asafu. Omuziki.
80 Iwe mulisya wa Israeli, uhulikirire,Iwe ukasondola Yozefu ng’ekihangulo.
Iwe wikere oko kitumbi ky’obwami endata* oko makerubi,Ekyakakala kyaghu kikoleraye.*
2 Embere sya Efraimu na Benyamini na Manase,Ukanganaye akaghala kaghu;Wase utulamaye.
3 Mungu utusubaye;Utukanganaye obusu obukere, tutoke erilamibwa.
4 Yehova Mungu w’emilondo, ukendisyatsatsuhira* abandu baghu n’erighana erihulikirira emisabe yabo erihika mughulu wahi?
5 Ukalisayabo emisonia mo kalyo,Kandi ukanywisayabo emisonia y’oluhunda-hunda.
6 Ukaleka ebihanda ibyalwa bikasonda eritutabalaEsyonzighu syetu sikabera eritusekererya ngoko syanzire.
7 Mungu w’emilondo utusubaye;Utukanganaye obusu obukere tutoke erilamibwa.
8 Muwaleka omuliki w’eritunda inialua e Misri.
Muwahigha ebindi bihanda n’eriheragho
9 Muwalima ah’eriheragho,Nagho mwayira emilihi, amabughana ekihugho.
10 Ekyutsutsu kyagho mukyaswika ebitwa,N’emitahi yagho muyaswika emierezi y’oMungu.
11 Emitahi yagho muyahika hali erihika oko ngetse,N’amasasa wagho mwahika oko Lusi.*
12 Busanaki wabirihimbula oluhimbo lw’amabwe olutimbire oko ririma ry’omuliki oyo,Neryo abalabi ibatwa amatunda awaliko?
13 Esyongulube sy’omoli* sikatsandayagho,N’esyonyama sy’omoli sikalyagho.
14 Mungu w’emilondo, kisi usubule.
Usamalire ighune elubula, ulangire!
Usulubirire omuliki w’omuzabibu oyu.
15 Ekitina* ekyo ebyala byaghu by’amali byahera,Kandi utungerere omughala* oyo wayira mo w’amaka busana naghu ighuwene-wene.
16 Abiritimibwa omo muliro, abiritwibwa.
Omw’ihaya lyaghu,* abandu bakahera.
17 Ebyala byaghu biwatikaye omundu oyuli oko byala byaghu by’amali.
Omughala w’omundu oyo wayira mo w’amaka busana naghu ighuwene-wene.
18 Neryo sitwendisyakutswako.
Uleke tubye ituneho, neryo itwatoka erilakira erina lyaghu.
19 Yehova Mungu w’emilondo, utusubaye;Utukanganaye obusu obukere, tutoke erilamibwa.
Amaelezo awehikwa
^ Kutse “ebiranga-ranga.”
^ Kutse alinga, “omo kati-kati.”
^ Kutse “uhulukaye erikangabasania lyaghu.”
^ Kinywa kwa kinywa, “ukendisyapumukira.”
^ Ni bugha ambu, e Efrati.
^ Kutse “esisenge.”
^ Kutse “ekitina ky’omuliki w’omuzabibu.”
^ Kutse “omutahi.”
^ Kinywa kwa kinywa, “erihaya ry’obusu bwaghu.”
