Esyonyimbo 81:1-16
Oko musondoli. Ni lw’eriimbira oko Gititi.* Olwa Asafu.
81 Mwimbire oMungu omo mulenge munene w’obutseme.
Iye ni maka wetuMwute obwogho bw’erikinda busana n’oMungu wa Yakobo.
2 Mutsuke omuziki n’erimya ehikeleya,*Enzenze eyikabugha ndeke haghuma n’ekyombo ky’omuziki eky’esinga.
3 Mubuhe erihembe oko mughenda muhya-muhya,Oko kibamba-ngoma ky’omughenda,* busana n’ekiro kyetu kikulu.
4 Kusangwa ni mughambo busana na Israeli,Ekyalayiro ky’oMungu wa Yakobo.
5 Mwahira ky’oho mo mwatsi w’eriibukya busana na YozefuOmughulu ayalwa n’ekihugho kye Misri.
Munowa omulenge* ogho ndaminyerera. Ati:
6 “Munalusya omuheke w’oko kitigho kiwe;Ebyala biwe mubyabya bwiranda oko kitiri.
7 Omo buligho bwaghu, muwanilakiraNaghe munakulamya.
Munakusubirya erilua omo bitu ebikabughaya emilumo.*
Munakulengako oko maghetse we Meriba.* (Sela)
8 Bandu baghe, muhulikirire neryo ngendibakunga.*
Israeli, nga ulyatanihulikirira!
9 Omo kati-kati kaghu, isimwendibya oghundi Mungu,Kandi isiwendyunamira omungu w’ehandi.
10 Ingye, indi Yehova Mungu waghu,Oyo wakulusaya omo kihugho kye Misri.
Utande obuno bwaghu, naghe ngendyusulya mubo mw’akalyo.
11 Nikwa abandu baghe, mubatahulikirira omulenge waghe;Israeli mwaghana erinyowa.
12 Neryo munaleka bakole erikwamana n’emitima yabo eyirimo erighundu;Mubakola ekyo balengekanaya bati kitolere.*
13 Abandu baghe bamabitanihulikirira,Israeli amabitakwama esyonzira syaghe!
14 Ingendilw’inakinda esyonzighu syabo;Ingendikolesya ebyala byaghe erilwa n’esyonzighu syabo.
15 Abaponire Yehova bakendisyatitimana embere siwe omo buba,N’obuhanya* bwabo, bukendisyabya bwa kera na kera.
16 Nikwa akendisyakulisya* engano eyuwene* kutsibuN’erikughutya obuki obukalua omo lukuka.”
Amaelezo awehikwa
^ Ulebaye Amaana w’ebinywa.
^ Kutse “ehighoma hy’omo byala.”
^ Kutse “omubanguki.”
^ Kutse “omubughe.”
^ Kinywa kwa kinywa, “ahabisamire h’omulumo.”
^ Kikamaanisaya “Omwagha; Erineghena.”
^ Kinywa kwa kinywa, “ngenditeka obwimiri eribatsongera.”
^ Kinywa kwa kinywa, “Mubalendera omo mahano wabo.”
^ Kinywa kwa kinya, “omughulu.”
^ Kinywa kwa kinywa, “iye,” ni bugha ambu, abandu b’oMungu.
^ Kinywa kwa kinywa, “engano eyinunire.”
