Esyonyimbo 83:1-18
Olwimbo. Omuziki wa Asafu.
83 Mungu sighubye bukutu,*Mungu, isiwahuna, kutse eribya butakola kindu.
2 Kusangwa lebaya! esyonzighu syaghu syabirileta olukanda;Abakuponire bakakola omo righundu.*
3 Omo mayele bakaya embita bubiso-biso erilwa n’abandu baghu;Bakaya embita erilwa n’abandu baghu b’obughuli.*
4 Bakabugha bati: “Mwase, tutoghotaye ekihanda kyosi,Neryo erina rya Israeli ribiriranawe.”
5 Bakimaya omupango* wo haghuma;Babirisakana* busana n’erilwa naghu.
6 Esyohema sye Moabu n’Abaismaeli, Moabu n’Abahagari,
7 Gebali na Amoni na Amaleki,Filistia haghuma n’abikalani be Tiro.
8 E Asiria nayo yabiriyighunga kubo;Bakawatikaya* abaghala ba Loti. (Sela)
9 Ukolerebo ngoko wakolera e Midiani,Ngoko wakolera Sisera na Yabini oko kusi* ke Kishoni.
10 Mubatoghotibwa e En-Dori;Mubabya mbolewa y’ekitaka.
11 Uyire esyoseghu-seghu syabo nga Orebu na Zebu,N’abanya-mwami* babo nga Zeba na Zalmuna,
12 Kusangwa mubabugha bati: “Tuyimiraye ekihuhgo ekyo oMungu ikeremo.”
13 Mungu waghe, uyirebo ng’ekilundo ky’emisaki-saki,*Ng’ebiti ebikaghenda bikayibindingula omw’ihunga.
14 Ng’omuliro owakahisaya omusitu,Ng’ekirimi ekikatimaya ebitwa,
15 Neryo ukwamirirebo omo kihunga kyaghu ekikalireKandi ubahisayebo omo kibula kyaghu.
16 Yehova, usulaye* omo musu wabo mw’esisoni,Basonde-sonde erina ryaghu.
17 Bahemulawe n’eryubahibwa kera na kera;Bakwe esisoni n’erihera;
18 Abandu baminye ngoko iwe, oyukahulawa mo Yehova,Iwe musa n’iwe w’Endata Kutsibu oko kihugho kyosi.
Amaelezo awehikwa
^ Kutse “eriyiyira mo mumu.”
^ Kutse “bakasumba emitwe yabo.”
^ Kinywa kwa kinywa, “abandu baghu ababisire.”
^ Kinywa kwa kinywa, “bakahindana n’omutima mughuma.”
^ Kutse “babirikola endaghane.”
^ Kinywa kwa kinywa, “babiribya kuboko busana na.”
^ Kutse “omusya owakumamo amaghetse.”
^ Kutse “abasondoli.”
^ Kutse “ekilundo ky’ebiti.”
^ Kutse “uswike.”