Esyonyimbo 84:1-12
Oko musondoli; lulegherwe oko Gititi.* Olw’abaghala ba Kora. Omuziki.
84 Yehova w’emilondo,Etabernakulo yaghu ngulu ighambire* kundu!
2 Omw’ibyaho* lyaghe ryosi ngayitsutsa,Inga, ngalekula busana n’eriyitsutsa ebibugha bya Yehova.
Omutima waghe n’omubiri waghe bikasumba emilenge y’obutseme busana n’oMungu waghe oyuliho.
3 Nibya n’akanyunyu kakabanaho obwikaloN’akambaruwayi* kakayikokoterayaho olutu,Aho kakasulubirira ebyana byakoHakuhi n’ekiherero kyaghu kikulu, Yehova w’emilondo,Mwami waghe kandi Mungu waghe!
4 Abikere omo nyumba yaghu batsemire!
Bakakupipa butumbya. (Sela)
5 Abandu abakabana akaghala erilua okw’iwe batsemire,Abo emitima yabo ikayitsutsa eribya omo syonzira esikalolaya oko nyumba yaghu.
6 Omughulu bakalaba omo Musya w’Ebaka,*Bakayiragho mo mwanya owalimo esyongununuko sy’amaghetse;N’embula y’erimbere-mbere yikambalayagho* emiyisa.
7 Akaghala kabo kakendisyongera bakaghenda;Obuli mughuma wa kubo akalangirika embere sy’oMungu e Sioni.
8 Yehova Mungu w’emilondo, wowe omusabe waghe;Mungu wa Yakobo uhulikirire. (Sela)
9 Lebaya, engabo yetu kandi Mungu wetu,*Ulangire, ulebaye obusu bw’oyuhirirweko maghuta waghu.
10 Kusangwa ekiro kighuma omo bibugha byaghu kyowene kwilaba ebiro 1 000 by’erilabya ehandi!
Ngasombola erimana oko lukyo lw’enyumba y’oMungu waghe omo mwanya w’eriikala omo mahema w’ababi.
11 Kusangwa Yehova Mungu ni ryuba kandi ni ngabo;Akakanganaya olukogho n’olukengerwa.
Abakalendera omo butaleghulaYehova sy’endisyabakagha ekindu kyosi-kyosi kibuya.
12 Yehova w’emilondo,Obutseme buli oko oyukayiketera we.
Amaelezo awehikwa
^ Ulebaye Amaana w’ebinywa.
^ Kutse “yuwene kutsibu.”
^ Kutse “enafsi yaghe.”
^ Kutse “endambira.”
^ Kutse “omusya owalimo ehisitu hy’emiti y’ebaka.”
^ Kutse alinga, “N’omukangirirya akayiswika iyuwene-wene.”
^ Kutse alinga, “Utungerere engabo yetu.”
