Esyonyimbo 85:1-13
Busana n’omusondoli. Olw’abaghala ba Kora. Omuziki.
85 Yehova, wabirikangania ekihugho kyaghu ky’olukogho;Wabirisubulya abandu ba Yakobo abatwalawa omo bunyewa.
2 Wabirighanyira ekibi ky’abandu baghu,Muwaghanyira* erilolo lyabo ryosi. (Sela)
3 Muwakakirya erihitana lyaghu ryosi;Muwayihighula oko kinigha kyaghu ekikalire.
4 Mungu w’omulamo wetu, utasyatusubaya,*Kandi uleke erituhitanako.
5 Ukendisyalw’iwatuhitanako erihika kera na kera kwehi?
Ukendilola embere erihitana erilua oko kizazi* erihika oko kindi?
6 SiwenditasyatusubyaNeryo itwe bandu baghu itwayisyandira omw’iwe?
7 Yehova, utukanganaye olwanzo lwaghu oluteleghula,Kandi utuhe omulamo.
8 Ngendihulikirira ebyo Yehova Mungu w’ekwenene akabugha,Kusangwa akendisyakania eby’obuholo n’abandu biwe, abataleghula biwe,Aliwe isiwaleka bakatasyabya n’eriyiketera erilabukirenie omw’ibo ibibene-bene.
9 Kwenene omulamo wiwe ali hakuhi n’abosi abakamubaha,Olukengerwa lwiwe lutoke eriikala omo kihugho kyetu.
10 Olwanzo oluteleghula n’obutaleghula bikendisyahindana haghuma;Eritunganene n’obuholo bikendisyahererania ebizu.*
11 Obutaleghula bukendisyalasa omo kihugho,N’eritunganene rikendisyasamalira ahisi erilua elubula,
12 Inga, Yehova akendisyatuha ekibuya,*N’ekihugho kyetu kikendisyerya kutsibu.
13 Eritunganene likendisyaghenda embere siweN’eritulira ebisando biwe by’enzira.
Amaelezo awehikwa
^ Kinywa kwa kinywa, “Muwakuningira.”
^ Kutse “utasyatukuma-kuma.”
^ Kutse “lulengo.”
^ Kutse “ bikendisyalyatsirirana.”
^ Kutse “obutunde.”
