Esyonyimbo 88:1-18
Olwimbo. Omuziki w’abaghala ba Kora. Oko musondoli; ni lw’eryimbira oko Mahalati.* Ni lw’eryimba omw’isubirania. Maskili* wa Hemani Omuezra.
88 Yehova, Mungu w’omulamo waghe,Omo musibo ngakulakira,N’omo kiro ngasa embere syaghu.
2 Omusabe waghe akuhikire,Uteghe okutu* oko milake yaghe y’erisaba obuwatikya.
3 Kusangwa enafsi* yaghe yoswiremo obuhanya,N’engebe yaghe yiri oko kaleghekemereryo k’Eyisinda.*
4 Nabirighanzirwa omo kati-kati k’abandu abanemwandaghalira omo kyuna;*Nabiribya mundu oyutawite oyo wangamuwatikya,*
5 Oyo wabirisighanibwa omo kati-kati k’abaholiNg’abandu abalyitawa abaghotsere omw’isinda,Abo wabiribirirwa kutsibuN’ababirihighulirwa hali oko buteya bwaghu.*
6 Wabinihira omo kyuna kiri-kiri,Omo myanya eyirimo omwirimya, n’omo abiso nene.
7 Erihitana lyaghu linilitohere,Ukanyibundamiraya omo bisunda byaghu ebikalire. (Sela)
8 Wabirinihighulako abandu abo nyasi;Wabirileka okw’ibo, inabya ekindu ekikita nye.
Nabirihambwa omo kitegho kandi sinangatoka eribala.*
9 Ameso waghe akalembera busana n’obuhanya bwaghe bunene.
Yehova, ngakulakira omo musibo wosi;N’iwe ngasumbira ebyala byaghe.
10 Ukendikolera abaholi b’emyatsi y’eriswekera kwehi?
Abatawite akaghala, ababirihola banganahangana n’erikupipa? (Sela)
11 Olwanzo lwaghu oluteleghula lunemwenditulaghanibwa omw’isinda,Obutaleghula bwaghu eritulaghanibwa ah’erihererya?*
12 Emibiiri yaghu y’eriswekera inemwendiminywa omo mwirimyaKutse eritungannene lyaghu omo kihugho ky’ababiribiriranwa?
13 Aliwe Yehova, nikinakulakira ngakusaba obuwatikya,Obuli tututu omusabe waghe akahika embere syaghu.
14 Yehova, busanaki ukanighusa?*
Busanaki ukanyibisa obusu bwaghu?
15 Erilua omo bulwana bwaghe,Nabiryaghalwa n’erisonda erihola;Sinikyowa ekyosi-kyosi busana n’emyatsi eyikalire eyo wabirileka inihikire.
16 Erihitana lyaghu erikaghulumira likanibundamiraya;Emyatsi yaghu eyikubahisaya ikaleka inasonda eriyiholera.
17 Ikanitimbako ng’amaghetse omo musibo wosi;Ikanyibambira oko mbande syosi.*
18 Wabirinihighulako abira baghe n’abalikyetu;Omwirimya w’abiribya mulikyetu.
Amaelezo awehikwa
^ Ulebaye Amaana w’ebinywa.
^ Ulebaye Amaana w’ebinywa.
^ Kutse “uname neryo uhulikirire.”
^ Ulebaye Amaana w’ebinywa.
^ Kutse “esheoli,” ni bugha ambu eyisinda y’abandu bosi. Ulebaye Amaana w’ebinywa.
^ Kutse “eyisinda.”
^ Kutse “ng’omundu oyutawite akaghala.”
^ Kinywa kwa kinywa, “ebyala.”
^ Kutse “eriyisula.”
^ Kutse “omo Abadoni.”
^ Kutse “ukaghusa enafsi yaghe.”
^ Kutse alinga, “kughumerera.”
