Esyonyimbo 89:1-52
Maskili.* Olwa Etani Omuezra.
89 Ngendisyimba kera na kera ngakania oko myatsi eyo Yehova akakola akakangania olwanzo oluteleghula.
Omo buno bwaghe ngendisyaminyisya obutaleghula bwaghu omo bizazi* byosi.
2 Kusangwa nabiribugha niti: “Olwanzo oluteleghula lukendisyabyaho* kera na kera,Kandi wabirihangania ndeke obutaleghula bwaghu omo lubula.”
3 “Nabirikola endaghane n’omusombolwa waghe;Nabirilapira omughombe waghe Daudi niti:
4 ‘Ngendisyahangania ndeke olubuto* lwaghu kera na kera,Kandi ngendisyahangania ekitumbi kyaghu ky’obwami omo bizazi byosi.’” (Sela)
5 Yehova, olubula lukapipa emibiiri yaghu y’eriswekera,Inga, lukapipa obutaleghula bwaghu omo ndeko y’ababuyirire.
6 Kusangwa omo kyanya, nindi yo wangalingiriranibwa na Yehova?
Nindi omo baghala b’oMungu yuli nga Yehova?
7 Litolere oMungu inyubahwa n’erisikibwa omo ndeko* y’ababuyirire;Iye ni mukulu kandi akubahisaya oko bosi abamutimbireko.
8 Yehova Mungu w’emilondo,Yah, nindi yuli n’obutoki nga we?
Obutaleghula bwaghu bukutimbireko.
9 Ukatabala okw’ighunga ly’engetse;Omughulu ebisunda byayo bikayisumba, ukatulerayabyo.
10 Wabirikinda* Rahabu* n’eriitayo.
Wabiripanza-panza esyonzighu syaghu omo kuboko kwaghu kw’amaka.
11 Olubula ni lwaghu, n’ekihugho kutya;Ekitaka ekikalimawa n’ebyosi ebyoswire kukyo—n’iwe wahangyikabyo.
12 Oluhande lw’endata n’oluhande lw’eyikwa—n’iwe wakolabyo;E Tabora ne Hermoni bikahalamba erina lyaghu ibinatsemire.
13 Okuboko kwaghu ni kw’obutoki;Ebyala byaghu biwite akaghala;Ebyala byaghu by’amali bisumbire.
14 Ekitumbi kyaghu ky’obwami kikere oko ritunganene n’oko bulingirirania;Olwanzo oluteleghula n’obutaleghula biri embere syaghu.
15 Obutseme buli n’abandu abasi obwogho bw’obutseme.
Yehova, bakalendera omo kyakakala ky’obusu bwaghu.
16 Bakatsema busana n’erina lyaghu omo musibo wosi,Kandi busana n’eritunganene lyaghu bakabana olukengerwa.
17 N’iwe lukengerwa lw’akaghala kabo,Kandi busana n’erituligha, akaghala ketu* kakakanya.
18 Engabo yetu ni ya Yehova,Omwami wetu ni w’Omubuyirire wa Israeli.
19 Oko mughulu oyo muwakania n’abataleghula baghu omo nzoli neryo muwabugha uti:
“Nabiriha omundu w’amaka y’akaghala;Nabirihamya omusombolwa omo kati-kati k’abandu.
20 Nabiribana omughombe waghe Daudi;Nabirimuhirako amaghuta omo maghuta waghe awabuyirire.*
21 Okuboko kwaghe kukendisyamuwatikya,N’ebyala byaghe bikendisyamuhiramo akaghala.
22 Sihali enzighu eyikendisyamulihisya engemo,Kandi sihali oyutatunganene oyukendisyanubya.
23 Ngendisyatulanga esyonzighu siwe mo hihande-hihande embere siweN’eritoghotya abamuponire.
24 Obutaleghula bwaghe n’olwanzo lwaghe oluteleghula biri haghuma naye,N’omo rina lyaghe akaghala kiwe* kakendisyakanyirira.
25 Ngendisyahira ebyala biwe* endata oko ngetseN’ebyala biwe by’amali endata oko syonyusi.
26 Akendisyanilakira ati: ‘Uli Tata waghe,OMungu waghe kandi lukuka lw’omulamo waghe.’
27 Kandi ngendisyamuyira mo kambere,Ow’endata kutsibu omo kati-kati k’abami b’ekihugho.
28 Ngendisyamukangania olwanzo oluteleghula kera na kera,N’endaghane yaghe haghuma naye siyendisyahwaho n’ahake.
29 Ngendisyahangania olubuto* lwiwe kera na keraN’erileka ekitumbi kiwe ky’obwami ikyakota ng’olubula.
30 Abaghala biwe bamabileka erikwama emighambo yagheN’eritendikola erikwamana n’erihamula* lyaghe,
31 Bamabiketa ebihano byagheKandi bamatendikwama ebyalayiro byaghe,
32 Neryo aho ingendisyasuyira obutowa* bwabo omo muhumboN’ekibi kyabo omo lufimbo.
33 Aliwe sinendisyaleka n’ahake erimukangania olwanzo oluteleghulaKutse sinendisyaleghula oko ndaghane* yaghe.
34 Sinendisyaketa endaghane yagheKutse eribindula ebyo eminywa yaghe yabiribugha.
35 Nabirilapa omo bubuyirire bwaghe, kera na kera;Sinendisyateba Daudi.
36 Olubuto* lwiwe lukendisyabyaho kera na kera;Ekitumbi kiwe ky’obwami kikendisyabyaho ng’eryuba embere syaghe.
37 Ng’omughenda, kikendisyasika ndeke kera na keraNg’omwimiri mutaleghula omo kyanya.” (Sela)
38 Aliwe ighuwene-wene wabirimughusa n’erimughana;Wabirihitana kutsibu oko oyuhirirweko maghuta waghu.
39 Omo kaghonero wabiritwa endaghane eyo wakola n’omughombe waghu;Wabiritsandya embita yiwe omw’ighusayo ahisi.
40 Wabirihimbula esyombimbo* siwe syosi sy’amabwe;Wabiriyira emyanya yiwe eyikongotere mo bisambukalirya.
41 Abosi abakalaba hakuhi naye bakamuhungako ebindu;Naye ni kindu ekighonerwe oko bahimbani biwe.
42 Wabirileka esyonzighu siwe isyakinda;*Wabirileka esyonzighu siwe syosi isyatsema.
43 Kandi wabirisubya omuyali wiwe w’enyuma,N’erileka iniakindwa omo malwa.
44 Wabiribughaho olukengerwa lwiweN’erighusa ekitumbi kiwe ky’obwami ky’ahisi.
45 Wabiriyira ebiro by’obulwana bwiwe mo bikuhi;Wabirimwambalya esisoni. (Sela)
46 Yehova, ukendisyayibisa erihika mughulu wahi?
Unemwendisyalw’iwayibisa kera na kera kwehi?
Erihitana lyaghu rinemwendilola embere eryaka ng’omuliro kwehi?
47 Wibuke ngoko engebe yaghe ni nguhi!
Muwahangyika abandu bosi isihali ekyo ukalandamirira kwehi?
48 Hane omundu oyo wangabyaho kera na kera butsira erihola kwehi?
Anganatoka eriyilamya* oko kaghala k’Eyisinda* kwehi? (Sela)
49 Yehova, emibiiri yaghu ya kera ey’olwanzo oluteleghula yiri hayi,Eyo walapira Daudi omo lwanzo oluteleghula?
50 Yehova, wibuke ebitsumi ebyo bakaghusira abaghombe baghu;Wibuke ngoko ngakasawa eriyiyinia* oko bitsumi by’abandu bosi;
51 Yehova, wibuke ngoko esyonzighu syaghu syabiribugha ebitsumi;Ngoko sikatsuma obuli kika ky’ebisando by’oyuhirirweko maghuta waghu.
52 Yehova apipawe kera na kera. Amina na Amina.
Amaelezo awehikwa
^ Ulebaye Amaana w’ebinywa.
^ Kutse “esyondengo.”
^ Kinywa kwa kinywa, “lukendisyahimbwa.”
^ Kinywa kwa kinywa, “embuto.”
^ Kutse “omuhindano munene.”
^ Kutse “wabirihinolera.”
^ Alinga erikania oko Misri kutse oko Farao wayo.
^ Kinywa kwa kinywa, “erihembe.”
^ Ni bugha ambu, amaghuta awakahirawa oko mundu omughulu akasombolawa erikola omubiiri mulebe.
^ Kinywa kwa kinywa, “erihembe.”
^ Kutse “ehamuli.”
^ Kinywa kwa kinywa, “embuto.”
^ Kutse, “eritswera.”
^ Kutse “eriyisamambula.”
^ Kinywa kwa kinywa, “eribya mubehi oko bilebirye obutaleghula bwaghe.”
^ Kinywa kwa kinywa, “embuto.”
^ Kutse “obusayiro obw’amabwe.”
^ Kinywa kwa kinywa, “wabirisumba ebyala by’amali by’esyonzighu siwe.”
^ Kutse “erilamya enafsi yiwe.”
^ Kinywa kwa kinywa, “ebyala by’Esheoli,” ni bugha ambu eyisinda y’abandu bosi. Ulebaye Amaana w’ebinywa.
^ Kinywa kwa kinywa, “eriheka oko kikuba kyaghe.”
