Esyonyimbo 90:1-17
Omusabe wa Musa omundu w’oMungu w’ekwenene.
90 Yehova, omo bizazi* byosi wabiribya bwikalo* bwetu.
2 Embere ebitwa bibutaweKutse embere uhangyike* ekihugho n’ekitaka ekikereko abandu,Erilua kera na kera* erihika kera na kera, uli Mungu.
3 Ukasubaya omundu oyukahola oko lututu;Ukabugha uti: “Baghala b’abandu musubule.”
4 Kusangwa omo meso waghu emyaka 1 000 yiri ng’ekiro kya muligholo kyabilaba,Ng’ekitswe kighuma ky’ekiro.*
5 Ukabiraya abandu; ibabya ng’akatambi k’eriyato;Omo tututu bakabya ng’ebiti ebikalasa.
6 Omo tututu bikasako omusanga n’eribya bihya-bihya,Aliwe omw’igholo bikahonga n’eryuma.
7 Kusangwa erihitana lyaghu rikatuhisayaN’obuhitane bwaghu obukalire bukaleka itwakwa obuba.
8 Ukahira ebibi byetu embere syaghu;*Ekyakakala ky’obusu bwaghu kikabisula esyokumbo* syetu.
9 Ebiro byetu bikahumbera* busana n’obuhitane bwaghu;N’emyaka yetu yikahwaho ng’ebihwehwe.*
10 Obuli bw’eribyaho lyetu* ni myaka 70,Kutse 80 omundu amabibya inyawite akaghala ak’embaghane.*
Aliwe yoswiremo amaligho n’obulighe;Ikalaba luba, netu itwatwangana.
11 Nindi yo wangayiteghererya akaghala k’erihitana lyaghu?
Erihitana lyaghu ni rinene ng’obuba obo utolere erihabwa.
12 Utukangiriraye erighanza ebiro byetuTutoke eribya n’omutima w’amenge.
13 Yehova, usubule! Eki kikendisyabugha mughulu mungahi kwehi?
Ukwire abaghombe baghu b’obulighe.
14 Omo tututu utughutaye omo lwanzo lwagu oluteleghula,Tutoke eryuta obwogho bw’obutsema n’eritsema omo biro byetu byosi.
15 Ututsemesaye omo biro ebilingene n’ebyo watwaghalayamo,Ng’emyaka eyotwabirilabamo omo maligho.
16 Abaghombe baghu balangire emibiiri yaghu,N’abaghala babo balangire olukengerwa lwaghu.
17 Olukogho lwa Yehova Mungu wetu ngambe ilwatubyako;Utokesaye* omubiiri w’ebyala byetu.
Inga, Utokesaye omubiiri w’ebyala byetu.
Amaelezo awehikwa
^ Kutse “esyondengo.”
^ Kutse alinga, “obusayiro bwetu.”
^ Kutse “embere ubute ng’omo bulumi.”
^ Kutse “erilua oko mighulu eyitawite mighanzo erihika oko yindi mighulu eyitawite mighanzo.”
^ Kutse “ekisisimuko.” Obuli kitswe ky’ekiro kikayira esyosaha ng’ini.
^ Kutse “wasi ebibi byetu byo ndeke.”
^ Kutse “esyosiri.”
^ Kutse “engebe yetu ikahumbera.”
^ Kutse “erikya omuka.”
^ Kinywa kwa kinywa, “olulengo lw’eribyaho lyetu.”
^ Kutse “amabya n’akaghala ako abandi batawite; amabya ini kikakambwe.”
^ Kutse “uhanganaye ndeke.”
