Esyonyimbo 92:1-15
Omuziki. Olwimbo lw’ekiro ky’Esabato.
92 Ni kibuya eriha Yehova y’ewasingyaN’eriimbira* erina lyaghu ly’esyonyimbo sy’eripipa, iwe w’Endata Kutsibu,
2 Eritulaghania olwanzo lwaghu oluteleghula omo tututuN’obutaleghula bwaghu omo kiro,
3 Haghuma n’ekyombo ky’omuziki eky’esyosinga 10 n’enzenze,Omo mulenge oghuwene w’enanga.*
4 Kusangwa, Yehova wabirileka inatsema, busana n’emibiiri yaghu;Nguta obwogho bw’obutseme busana n’emibiiri y’ebyala byaghu.
5 Yehova emibiiri yaghu ka ni y’eriswekya!
Amenge waghu ni manene kutsibu!*
6 Oyutawite bwenge syangaminyabyo;N’omukiru syangayiteghererya eki:
7 Omughulu ababi bakalasa ng’ebitiN’omughulu abakola-nabi bakakanyirira,Bikabya bitya bangatoghotibwa kera na kera.
8 Aliwe Yehova, ukahalambawa kera na kera.
9 Inga, Yehova, utungerere esyonzighu syaghu sikakindwa,Ulangire ngoko esyonzighu syaghu sikendihera;Abakola-nabi bosi bakendisyapanza-panzirwa hali.
10 Nikwa ukendisyakanyirirya amaka* waghe ng’aw’enume y’ende y’omoli;*Ngendisyaheherya omubiri waghe omo maghuta aghuwene.
11 Ameso waghe akendisyatungerera esyonzighu syaghe sikakindwa;Amatwi waghe akendisyowa engulu y’eriwa ly’ababi abakalwa naghe.
12 Nikwa abatunganene bakendisyabya ndeke ng’omuti w’etende* owaboroghonyireN’erikula ng’omuti munene w’omuerezi we Lebanoni.
13 Baherire omo nyumba ya Yehova;Bakaboroghonya omo nyumba y’oMungu wetu.
14 Nibya n’omo myaka yabo y’obukulu* bakendisyabya ibakinaboroghonya.
Bakendisyabya ibane n’amaka* kandi babisi-bisi,
15 Ibanemutulagho ngoko Yehova atunganene;Iye ni Lukuka* lwaghe, oyutemo eritatunganene.
Amaelezo awehikwa
^ Kutse “eritunga akasimo.”
^ Kutse “edungu.”
^ Kutse “amalengekania waghu ahikire emwisi-mwisi.”
^ Kinywa kwa kinywa, “erihembe.”
^ Kutse “enganda.”
^ Asosire omuti w’obukindo.
^ Kutse “omughulu bamabyako esyombwi.”
^ Kinywa kwa kinywa, “ibananenehire.”
^ Kutse “Lubwe.”
