Esyonyimbo 95:1-11
95 Mwase, tupipe Yehova n’obutseme!
Tusumbire Olukuka lwetu lw’omulamo lw’emirenge y’erikinda.
2 Twase embere siwe* n’erisima;Tumwimbire n’eryuta obwogho bw’obutseme busana naye.
3 Kusangwa Yehova ni Mungu mukulu,Omwami Mukulu oko yindi miungu yosi.
4 Emitobero y’ekitaka yiri omo byala biwe;Esyosingyi sy’ebitwa ni siwe.
5 Engetse eyo ahangyika, ni yiwe,N’ebyala biwe byo byahagyika ekitaka ekyumire.
6 Mwase, turamaye n’eryunama;Tukukame embere sya Yehova Omuhangyiki wetu.
7 Kusangwa iye ni Mungu wetu,Netu tuli bandu b’olulisiryo luwe,Esyombuli esyo akasulubirira.*
Munabwire, mwamabihulikirira omulenge wiwe,
8 Isimwakalaya emitima yenyu ngoko abotata-kulu wenyu bakola e Meriba,*Ngoko bakola omughulu oyo e Masa* omo mbwarara,
9 Omughulu abotata-kulu wenyu banilengako;Mubanisondako omwagha, nomo banalangira emibiiri yaghe.
10 Omo myaka 40 munakwa ekizazi* ekyo kyo nye, munabugha niti:
“Ni bandu b’emitima eyikakita mughulu wosi;Sibetaminya esyonzira syaghe.”
11 Okw’ekyo munalapa omw’ihitana lyaghe niti:
“Sibendisyingira omw’iluhuka lyaghe.”
Amaelezo awehikwa
^ Kiywa kwa kinywa, “embere sy’obusu bwiwe.”
^ Kinywa kwa kinywa, “esy’ebyala biwe.”
^ Kikamaanisaya “Erineghena.”
^ Kikamaanisaya “Erilenga oko; Eripima.”
^ Kutse “olulengo.”
