Esyonyimbo 96:1-13
96 Mwimbire Yehova y’olwimbo luhya-luhya.
Mwimbire Yehova, inywe bikalani bosi b’ekihugho!
2 Mwimbire Yehova mupipe erina liwe.
Kiro oko kindi, kiro mutulaghanaye engulu mbuya y’omulamo wiwe.
3 Mutulaghanaye olukengerwa lwiwe omo kati-kati k’ebihanda,Mutulaghanaye emibiiri yiwe y’eriswekera omo kati-kati k’ebitunga by’abandu.
4 Yehova ni mukulu kandi atolere kutsibu eripipwa.
Akubahisaya kutsibu kulenga eyindi miungu yosi.
5 Emiungu yosi y’abandu ni miungu eyitawite mughaso,Aliwe Yehova yo wahangyika olubula.
6 Aho ali hali olukengerwa* n’obubuya;Akaghala n’erighamba biri omo habuyirire hiwe.
7 Inywe bihanda by’abandu, muhe Yehova ekyo atolere,Muhe Yehova y’ekyo atolere busana n’olukengerwa lwiwe n’akaghala kiwe.
8 Muhe Yehova y’olukengerwa olutolere erina riwe;Mulete ekihembo, neryo mwase omo bibugha biwe.
9 Munamire* Yehova imunambite esyongyimba esibuyirire;*Inywe bikalani bosi b’ekihugho mutitimane embere siwe.
10 Mutulegho omo bihanda muti: “Yehova abiribya Mwami!
Ekihugho* kisikire ndeke, sikyangasegha-seghanibwa.*
Akatswera* ebitunga by’abandu omo ritunganene.”
11 Olubuala lutseme, n’ekihugho kibye n’obutseme;Engetse n’ebyosi ebirimo bibughaye emilumo y’obutuku;
12 Amalima n’ebyosi ebiri mugho bitseme.
Oko ndambi ngumerera, emiti y’omo musitu yute obwogho bw’obutseme
13 Embere sya Yehova, kundi anemwasa,Anemwasa* erisyatswera ekihugho.
Akenditswera abikalani b’ekihugho* omo ritunganeneN’ebitunga by’abandu omo butaleghula bwiwe.
Amaelezo awehikwa
^ Kutse “obukulu.”
^ Kutse alinga, “busana n’olukengerwa lw’obubuyirire bwiwe.”
^ Kutse “muramaye.”
^ Kutse “ekitaka.”
^ Kutse “sikyangaghuna-ghuna.”
^ Kutse “akendisyasoha olubanza lwa.”
^ Kutse “abiryasa.”
^ Kutse “ekihugho; ekitaka.”
