Esyonyimbo 99:1-9
99 Yehova abiribya Mwami. Ebihanda by’abandu bititimane.
Ikere oko kitumbi ky’obwami endata* oko makerubi. Ekihugho kisuka-sukane.
2 Yehova ni mukulu omo Sioni,Kandi ali endata oko bitunga byosi by’abandu.
3 Bapipe erina lyaghu rikulu,Kusangwa litolere eryubahwa kandi libuyirire.
4 OMungu ni mwami w’obutoki, anzire obulingirirania.
Wabirikangania ndeke ekitunganene.
Wabiriletera Yakobo obulingirirania n’eritunganene.
5 Muhalambe Yehova oMungu wetu kandi muname* embere sy’ekitumbi kiwe ky’erihirako ebisando;Iye abuyirire.
6 Musa na Haruni babya b’oko bahereri biwe,Na Samweli abya w’oko abakalakira erina liwe.
Ibakalakira Yehova,Naye iniakabasubiraya.
7 Iniakakanaya nabo erilua omo nduyi y’ekitu.
Mubabya bakakwama ebibukyo biwe n’erihamula eryo ahabo.
8 Yehova Mungu wetu, muwasubiryabo.
Muwabya oMungu oyukaghanyirabo,Aliwe muwasuyirabo* busana n’obubi bwabo.
9 Muhalambe Yehova oMungu wetuKandi muname* embere sy’ekitwa kiwe kibuyirire,Kusangwa Yehova oMungu wetu abuyirire.
Amaelezo awehikwa
^ Kutse alinga, “omo kati-kati.”
^ Kutse “muramaye.”
^ Kinywa kwa kinywa, “muwaleta erikisya oko.”
^ Kutse “muramaye.”
