Engulu mbuya eyahandikawa na Mariko 16:1-8
-
Yesu amalubukibwa (1-8)
16 Neryo Esabato yabere yabilaba, Salome, Maria Magdalena, na Maria mama wa Yakobo mubaghula amanukato aw’erihakabya oko mubiri wa Yesu.
2 Omo mitsange y’ekiro ky’erimbere ky’eyenga, eryuba iryamabihuluka mubaya eyiri eyisinda.
3 Babya bakabulania bati: “Nindi yukenditukumbaghalirya eribwe eriri oko bw’ingiriro bw’eyisinda?”
4 Nikwa omughulu basumba ameso, mubalangira eribwe iryabirikumbaghalibwa; nomo ryanabya ribwe rinene kutsibu.
5 Babere babingira omw’isinda, mubalangira omulwana inianikere oko luhande lw’amali. Abya ambite ekanzu nyeru-nyeru. Neryo mubakukubala.
6 Mwababwira ati: “Isimwakukubala. Mukasondaya Yesu we Nazareti oyo bahanika oko muti. Abirilubuka, syali hano. Mulebaye aho bahira omubiri wiwe, ha hano!
7 Aliwe mughende, muyabwire abigha biwe na Petro muti, ‘Abiribatangirira e Galilaya. Mukendimweyayo ngoko anababwira.’”
8 Neryo mubabya babihuluka, mubatibita bakalua eyiri eyisinda ibanemutitimana n’erisweka kutsibu. Mubatabugha n’omundu wosi-wosi kusangwa babya ibabiryubaha.*
Amaelezo awehikwa
^ Ulebaye endomeko A3.
