Nehemia 10:1-39
10 Abahamaya kuyo n’erihirako ekikumo ba bano:
Nehemia omuguvernere,* mughala wa Hakalia,Na Zedekia,
2 Seraya, Azaria, Yeremia,
3 Pashuri, Amaria, Malkia,
4 Hatushi, Shebania, Maluki,
5 Harimu, Meremoti, Obadia,
6 Danieli, Ginetoni, Baruku,
7 Mesulamu, Abia, Miamini,
8 Maazia, Bilgai, na Shemaya. Aba ba bahereri.
9 N’Abalawi ni Yesua: mughala wa Azania, Binui, ow’oko baghala ba Henadadi, Kadmieli,
10 n’abaghala babo, Shebania, Hodia, Kelita, Pelaya, Hanani,
11 Mika, Rehobu, Hashabia,
12 Zakuri, Sherebia, Shebania,
13 Hodia, Bani, na Beninu.
14 Abakulu b’abandu: Paroshi, Pahati-moabu, Elamu, Zatu, Bani,
15 Buni, Azgadi, Bebai,
16 Adonia, Bigvai, Adini,
17 Ateri, Hezekia, Azuri,
18 Hodia, Hashumu, Bezai,
19 Harifu, Anatoti, Nebai,
20 Magpiashi, Mesulamu, Hezeri,
21 Meshezabeli, Zadoki, Yadua,
22 Pelatia, Hanani, Anaya,
23 Hoshea, Hanania, Hashubu,
24 Haloheshi, Pilha, Shobeki,
25 Rehumu, Hashabna, Maasea,
26 Ahia, Hanani, Anani,
27 Maluku, Harimu, na Baana.
28 Abandi bandu abahereri, Abalawi, abateya b’esyongyo, abimbi, abaghombe b’ehekalu,* n’obuli mundu oyo wayihighula oko bandu b’ebihugho erikwama Emighambo y’oMungu w’ekwenene, haghuma n’abakali babo, abana babo b’obulume, n’abana babo b’obukali, abosi ababya n’eriminya n’obowika*—
29 mubayighunga oko baghala babo, esyoseghu-seghu syabo, bamalahirya n’eriyisema* ngoko bakendikwama Emighambo y’oMungu w’ekwenene eyo babya ibabirihabwa erilabira Musa omughombe w’oMungu w’ekwenene; kandi ngoko bakendikwama ndeke-ndeke ebihano byosi bya Yehova Omukama wetu, eritswera riwe n’ebyalayiro biwe.
30 Sitwendiha abana betu b’obukali oko bandu b’ebihanda by’omo kihugho kino kutse eritahirya abana betu b’obulume b’abana babo b’obukali.
31 Abandu b’omo kihugho bamabileta ebindu byabo by’erighulya n’obuli muhanda w’esyonguma, erighulyabyo omo kiro ky’Esabato, sitwangabaghulako ekyosi-kyosi omo kiro ky’Esabato kutse omo kiro ekibuyirire. N’oko mwaka we 7, tukendibya tukaleka amalima wetu, kandi sitwendibya tukatuhya amadeni.*
32 Kandi mutwalahirya ndeke-ndeke ngoko obuli mughuma w’okw’itwe akendibya akateka ekighuma ky’oko bisatu eky’eshekeli* obuli mwaka busana n’omubiiri w’enyumba* y’oMungu wetu,
33 busana n’emikati eyitomengekene, obuhere bw’eyisyano bw’obuli kiro, obuhere bw’eryokererya obw’obuli kiro obw’esyosabato n’emighenda mihya-mihya, busana n’ebiro bikulu, na busana n’ebiro bikulu ebyabirihirwaho, busana n’ebindu ebibuyirire, busana n’amahere w’erilolo erihanulira Abaisraeli, na busana n’omubiiri wosi w’enyumba y’oMungu wetu.
34 Kandi mutwakola obukanga eriminya abahereri, Abalawi, n’abandu, nga bakendibya bakaleta esyongwi oko mughulu wahi owabirihirwaho obuli mwaka busana n’enyumba y’oMungu wetu, erikwamana n’ebitunga by’abotata-kulu wetu; esyongwi esy’erihisya oko kiherero kya Yehova Mungu wetu erikwamana n’ebihandikire omo Mighambo.
35 Kandi obuli mwaka, tukendibya tukaleta omo nyumba ya Yehova eby’erimbere ebikatsuka eryera eby’amalima wetu, n’amatunda w’erimbere awakatsuka eryera aw’emihanda yosi y’emiti,
36 n’ehimbere hy’abana betu b’obulume, n’ehy’esyonyama syetu—ngoko kihandikirwe omo Mighambo—n’ehimbere hy’ebihangulo byetu, n’ebihyo byetu. Tukendiletabyo oko nyumba y’oMungu wetu, erileterabyo abahereri abakakola emibiiri oko nyumba y’oMungu wetu.
37 Kutya n’eyisyano yetu y’erimbere eyikinemo amatsenge, ebihembo byetu, amatunda w’emiti y’emihanda yosi, edivai nyihya-nyihya, n’amaghuta; tukendileterabyo abahereri omo byumba by’eribikamo* by’enyumba y’oMungu wetu. Tukendileterabyo Abalawi haghuma n’ekighuma ky’omw’ikumi ky’ebitaka byetu, kusangwa Abalawi bo bakahikirako ekighuma ky’omw’ikumi omo miyi yetu yosi eyo tukalima.
38 N’omuhereri, omughala wa Haruni, litolere iniabya haghuma n’Abalawi omughulu bakahikirako ekighuma ky’omw’ikumi. N’abalawi litolere ibateka ekighuma ky’omw’ikumi ky’ekighuma ky’omw’ikumi busana n’enyumba y’oMungu wetu omo byumba* by’enyumba y’eribikamo.
39 Kusangwa omo byumba by’eribikamo* mo Abaisraeli n’abaghala b’Abalawi batolere erileta ebihembo by’esyonguma, edivai nyihya-nyihya, n’amaghuta, kandi mo mukabya ebindu by’ahabuyirire, abahereri abakakola emibiiri, abateya b’esyongyo, n’abimbi. Sitwendilekerania enyumba y’oMungu wetu.
Amaelezo awehikwa
^ Kutse “Omutirshata.” Erina ly’olukengerwa lye Persia erikahabawa omuguvernere oyukatabala oko ngabiro.”
^ Kutse “Abanetinimu.” Kinywa kwa kinywa, “abahabawa.”
^ Kutse alinga, “abakulire ababya ibanganatoka eryowa.”
^ Eriyisema ni lahirya erikalire, eryangaleka omundu iniatakirwa amatendikola ngoko alyayilagha.
^ Kutse “eminda.”
^ Eshekeli nguma ini grama 1.14. Ulebaye Endomeko B14.
^ Kutse “ehekalu.”
^ Kutse “ebyumba by’eriliramo.”
^ Kutse “ebyumba by’eriliramo.”
^ Kutse “ebyumba by’eriliramo.”
