Nehemia 11:1-36
-
E Yerusalema yamatasyikalwamo (1-36)
11 Abasondoli b’abandu babya bikere e Yerusalema; aliwe abandi bandu mubakola obukanga erilusya omo buli bihanda 10 mw’ekihanda kighuma* eriyikala e Yerusalema, omuyi owabuyirire; n’ebindi bihanda 9 ibyasighala omo yindi miyi.
2 Neryo abandu mubatsumula abalume bosi abaligha eriyikala e Yerusalema.
3 Aba ba bakulu b’esyongabiro* abikala e Yerusalema. (Abandi Baisraeli, abahereri, Abalawi, abaghombe b’ehekalu,* n’abaghala b’abaghombe ba Solomona, mubikala omo yindi miyi ye Yuda, obuli mundu omo mwandu wiwe omo muyi wiwe.
4 Kandi e Yerusalema yabya yikere abandu balebe b’omo kihanda kya Yuda na Benyamini.) Oko bandu b’omo kihanda kya Yuda, habya Ataya mughala wa Uzia, mughala wa Zekaria, mughala wa Amaria, mughala wa Shefatia mughala wa Mahalaleli oko baghala ba Perezi,
5 na Maaseya mughala wa Baruku mughala wa Kolihoze mughala wa Hazaya mughala wa Adaya mughala wa Yoyaribu mughala wa Zekaria mughala w’Omuselani.
6 Abaghala bosi ba Perezi ababya bikere e Yerusalema babya 468, abalume mbangyi.
7 N’ab’ekihanda kya Benyamini babya: Salu mughala wa Mesulamu mughala wa Yoedi mughala wa Pedaya mughala wa Kolaya mughala wa Maaseya mughala wa Itieli mughala wa Yeshaya.
8 Abamusubukire Gabayi na Salai, abandu 928,
9 na Yoeli mughala wa Zikri yo wabya akimanirabo; na Yuda mughala wa Hasenua yo wabya w’akabiri omo muyi.
10 Oko bahereri: Yedaya mughala wa Yoyaribu, Yakini,
11 Seraya mughala wa Hilkia mughala wa Mesulamu mughala wa Zadoki mughala wa Merayoti mughala wa Ahitubu, omukulu w’enyumba* y’oMungu w’ekwenene,
12 n’abaghala babo abakola omubiiri omo nyumba, abandu 822; na Adaya mughala wa Yerohamu mughala wa Pelalia mughala wa Amzi mughala wa Zekaria mughala wa Pashuri mughala wa Malkiya,
13 n’abaghala babo abakulu b’ebitunga by’abotatakulu, abandu 242, na Amashisai mughala wa Azareli mughala Ahazai mughala wa Mesilimoti mughala wa Imeri,
14 n’abaghala babo ababya mbangyi, n’abalume batubaha, 128; omuhanganiri wabo abya Zabdieli ow’omo kihanda ky’esyoseghu-seghu.
15 N’oko Balawi, Shemaya mughala wa Hasubu mughala Azrikamu mughala wa Hashabia mughala wa Buni,
16 na Shabetayi na Yozabadi, oko bakulu b’Abalawi ababya bahanganire emibiiri y’ehihya y’enyumba y’oMungu w’ekwenene;
17 na Mataniya mughala wa Mika mughala wa Zabdi mughala wa Asafu, omusondoli w’esyonyimbo oyo wabya akasondola eripipa omughulu w’erisaba, na Bakbukiya ow’akabiri oko baghala babo, na Abda mugala wa Shamua mughala wa Galali mughala wa Yedutuni.
18 Abalawi bosi ababya omo muyi owabuyirire babya 284.
19 N’abateya b’esyongyo babya Akubu, Talmoni, n’abaghala babo ababya bakakola obuteya oko syongyo, abalume 172.
20 Abandi b’oko Baisraeli, abahereri n’Abalawi, babya omo miyi yosi ye Yuda, obuli mundu omo kitaka ky’omwandu wiwe.*
21 Abaghombe b’ehekalu babya bikere e Ofeli. Na Ziha na Gispa bo babya bahanganiri b’abaghombe b’ehekalu.*
22 Omuhanganiri w’Abalawi e Yerusalema abya Uzi mughala wa Bani mughala wa Hashabia mughala wa Mataniya mughala wa Mika ow’oko baghala ba Asafu, abimbi; abya muhanganiri w’omubiiri w’enyumba y’oMungu w’ekwenene.
23 Kusangwa omwami mwahamula busana n’abimbi. Babya ibabirilengerwa oluhembo olo litolere ibahabwa erikwamana n’obwagha bwabo bwa buli kiro.
24 Na Petaya mughala wa Mesezabeli, ow’oko baghala ba Zera mughala wa Yuda yo wabya muhani* w’omwami oko buli mwatsi owalebirye abandu.
25 Busana n’ehiyi n’amalima wahyo, abandi b’oko bihanda bye Yuda, mubikala e Kiriati-arba n’emiyi yayo,* e Diboni, n’emiyi yayo, e Yekabzeli n’ehiyi hyayo.
26 e Yesua, e Molada, e Bete-peleti,
27 e Hasari-shuali, e Beeri-sheba, n’emiyi yayo,*
28 e Ziklagi, ne Mekona n’emiyi yayo,*
29 e En-rimoni, e Zora, ne Yarmuti,
30 e Zanoa, e Adulamu n’ehiyi hyayo, e Lakishi n’amalima wayo, ne Azeka n’emiyi yayo.* Mubikala* eritsuka e Beeri-sheba erihika oko musya wa Hinomu.
31 N’abandu b’ekihanda kya Benyamini babya e Geba, Mikmashi, Aiya, Beteli, n’emiyi yayo,*
32 Anatoti, Nobu, Anania,
33 Hazori, Rama, Gitaimu,
34 Hadidi, Seboimu, ne Nebalati,
35 Lodi, ne Ono, omusya w’abafundi.
36 N’ebindi bikuto bilebe by’Abalawi erilua e Yuda mubyahabwa obwikalo omo kiharo kya Benyamini.
Amaelezo awehikwa
^ Kutse “omundu mughuma oko bandu ikumi.”
^ Kutse “ebiharo by’obutabali.”
^ Kutse “Abanetinimu.” Kinywa kwa kinywa, “abahabawa.”
^ Kutse “ehekalu.”
^ Kutse “oko mwandu wiwe.”
^ Kutse “Abanetinimu.” Kinywa kwa kinywa, “abahabawa.”
^ Kinywa kwa kinywa, “abya oko byala by’omwami.”
^ Kutse “emiyi eyitimbire kuyo.”
^ Kutse “emiyi eyitimbire kuyo.”
^ Kutse “emiyi eyitimbire kuyo.”
^ Kutse “emiyi eyitimbire kuyo.”
^ Kutse “mubahira ekambi.”
^ Kutse “emiyi eyitimbire kuyo.”
