Nehemia 3:1-32
-
Eritasyahimba esyombimbo (1-32)
3 Eliashibu omuhereri mukulu, n’abaghala babo abahereri, mubahangana bamahimba Olukyo lw’Esyombuli. Mubahereralo oko Mungu n’erihiraho esyongyo syalo. Mubahereralo oko Mungu* erihika oko Munara we Mea n’erihika oko Munara wa Hananeli.
2 N’abalume be Yeriko mubahimba aho lutambi okw’ibo, na Zakuri mughala wa Imri, mwahimba aho lutambi okw’ibo.
3 Abaghala ba Hasena mubahimba Olukyo lw’Amahere. Mubahiraho ebikadrema byalo n’erihirako esyonyuyi syalo, esyongomo syalo, n’emighamba yalo.
4 Na Meremoti mughala wa Uriya mughala wa Hakozi mwakokotya aho lutambi okw’ibo, na Mesulamu mughala wa Berekia, mughala wa Mesezabeli, mwakokotya aho lutambi okw’ibo, na Zadoki mughala wa Baana mwakokotya aho lutambi okw’ibo.
5 N’aho lutambi okw’ibo, Abatekoa mubakokotyaho. Nikwa abalume, esyoseghu-seghu syabo, mubatayikehya erikola* oko mubiiri omo busondoli bw’abakama babo.
6 Yoyada mughala wa Pasea na Mesulamu mughala wa Besodiya mubakokotya Olukyo l’Omuyi wa Kera. Mubasingikaho ebisingiti n’erihiraho esyonyuyi syalo, esyongomo syalo, n’emighamba yalo.
7 N’aho lutambi okw’ibo, Melatia Omugibeoni na Yadoni Omumerunoti mubakokotyaho, abalume be Gibeoni ne Mizpa ababya omo busondoli* bw’omuguvernere w’ekiharo ky’Eyisirya* w’Olusi.
8 Aho lutambi okw’ibo, Uzieli mughala wa Harhaya, omughuma w’oko bahesi b’ehoro mwakokotyaho, n’aho lutambi okw’ibo Hanani omughuma w’oko abak’enga* amaghuta mwakokotyaho. Mubasesa amabwe e Yerusalema erihika oko Luhimbo Lunene.
9 N’aho lutambi okw’ibo, Refaya mughala wa Huru, omutabali w’ekitswe ky’ekiharo kye Yerusalema mwakokotyaho.
10 N’aho lutambi okw’ibo Yedaya mughala wa Harumafi mwakokotyaho, embere w’enyumba yiwe, n’aho lutambi okw’iye Hatusi mughala wa Hasa-binea mwakokotyaho.
11 Malkia mughala wa Harimu na Hashubu mughala wa Pahati-moabu mubakokotya ekindi kitswe,* mubakokotya n’Omunara w’Eriko ry’Emikati.
12 Aho lutambi okw’iye, Shalumu mughala wa Haloheshi, omunyamwami w’enusu y’ekiharo kye Yerusalema mwakokotyaho haghuma n’abali biwe.
13 Hanuni n’abikalani be Zanoa mubakokotya Olukyo l’Omusya. Mubahimbalo neryo bamahirako esyonyuyi syalo, esyongomo syalo n’emighamba yalo; kandi mubakokotya amaboko* 1 000 oko luhimbo erihika oko Lukyo lw’Ekilundo ky’Eribu.
14 Malkia mughala wa Rekabu omunyamwami w’ekiharo kye Bete-hakeremu mwakokotya Olukyo lw’Ebilundo by’Eribu. Mwahimbalo n’erihiraho esyonduyi syalo, esyongomo syalo, n’emighamba yalo.
15 Shaluni omughala wa Kolihoze omunyamwami w’ekiharo kye Mizpa mwakokotya Olukyo lw’Ekitehero. Mwahimbalo amahimba n’olutwe lwalo, amahiraho esyonduyi syalo n’esyongomo syalo, n’emighamba yalo. Mwakokotya n’oluhimbo lw’Ekiriba ky’Omughende hakuhi n’Akalima k’Omwami erihika oko Bisambiro ebindaghere erihika oko Muyi wa Daudi.
16 Aho lutambi okw’iye, Nehemia mughala wa Hazbuku omunyamwami w’enusu y’ekiharo kye Bete-zuri mwakokotyaho, eritsuka embere sy’Amahero wa Daudi erihika oko kiriba ekyahimbawa n’erihika oko Nyumba y’Abalume b’Amaka.
17 Aho lutambi okw’iye, Abalawi mubakokotyaho: Rehumu mughala wa Bani; n’aho lutambi okw’iye Hashabia omunyamwami w’enusu y’ekiharo kye Keila mwakokotyaho busana n’ekiharo kiwe.
18 Aho lutambi okw’iye, abaghala babo mubakokotyaho: Bawai mughala wa Hanadadi omunyamwami w’enusu y’ekiharo kye Keila.
19 N’aho lutambi okw’iye, Ezeri omughala wa Yeshua omunyamwami we Mizpa mwakokotya olundi luhande embere sy’obweruka obukirukira oko Depo y’Ebindu by’Amalwa hakuhi n’Enzegho Eyikahambirira Oluhimbo.
20 Aho lutambi okw’iye, Baruku mughala wa Zabai mwakola n’omuhwa, n’erikokotya olundi luhande erilua oko Nzegho Eyikahambirira Oluhimbo erihika oko lukyo lw’enyumba ya Eliashibu omuhereri mukulu.
21 Aho lutambi okw’iye, Meremoti mughala wa Uriya mughala wa Hakozi mwakokotya olundi luhande, eritsuka oko lukyo lw’enyumba ya Eliashibu erihika oko mwiso w’enyumba ya Eliashibu.
22 N’aho lutambi okw’iye, abahereri, abalume b’omo kiharo kye Yordani* mubakokotyaho.
23 Aho lutambi okw’ibo, Benyamini na Hashubu mubakokotya embere w’enyumba yabo. Aho lutambi okw’ibo Azaria mughala wa Masea mughala wa Hanania, mwakokotyaho hakuhi n’enyumba yiwe.
24 Aho lutambi okw’iye, Binui mughala wa Henadadi mwakokotya olundi luhande eritsuka oko nyumba ya Azaria, erihika oko Nzegho Eyikahambirira Oluhimbo n’erihika oko ngonde.*
25 Aho lutambi okw’iye, Palali mughala wa Uzai mwakokotya embere sy’Enzegho Eyikahambirira Oluhimbo n’enyumba nyiri-nyiri eyiluire oko Nyumba y’Omwami,* enyumba y’endata eyiri omo Kibugha ky’Abateya. Aho lutambi okw’iye, habya Pedaya mughala wa Parosi.
26 Abaghombe b’ehekalu* ababya bikere e Oferi mubakokotya erihika embere w’Olukyo lw’Amaghetse oko luhande lw’eyo eryuba rikasira erihika oko nyumba nyiri-nyiri eyihulukire.
27 Aho lutambi okw’ibo, Abatekoa mubakokotya olundi luhande erilua oko nyumba nene nyiri-nyiri eyihulukire erihika oko luhimbo lwe Ofeli.
28 Abahereri mubakokotya embere sy’Olukyo lw’Esabayiri, obuli mundu embere sy’enyumba yiwe.
29 Aho lutambi okw’ibo, Zadoki mughala wa Imeri mwakokotya embere sy’enyumba yiwe.
N’aho lutambi okw’iye, Shemaya mughala wa Shekania omuteya w’Olukyo lw’Eyo eryuba rikasira mwakokotyaho.
30 Aho lutambi okw’iye, Hanania mughala wa Shelemia na Hanuni mughala wa Zalafu owe 6 mubakokotya olundi luhande.
Aho lutambi okw’iye, Mesulamu mughala wa Berekia mwakokotya embere sy’ekisenge kiwe.
31 Aho lutambi okw’iye, Malkia omughuma w’oko bahesi b’ehoro mwakokotyaho erihika oko nyumba y’abateya b’ehekalu* n’abahingania, embere sy’Olukyo lw’Erilebya n’erihika oko kyumba ky’endata ky’engonde.*
32 N’abahesi b’ehoro n’abahingania mubakokotya omo kati-kati k’ekyumba ky’endata ky’engonde* n’Olukyo lw’Esyombuli.
Amaelezo awehikwa
^ Kutse “mubahighulalo.”
^ Kinywa kwa kinywa, “mubataleta esyongoto syabo oko.”
^ Kinywa kwa kinywa, “ab’ekitumbi ky’obwami kya.”
^ Kutse “ekiharo ky’oko lundi luhande lwe Efrati.”
^ Kutse “abakakokotaya amarashi.”
^ Kutse “ekitswe ekipimire.”
^ Hakuhi esyometre 445. Ulebaye Endomeko B14.
^ Kutse alinga, “ekiharo kya hakuhi.”
^ Kutse “esonda.”
^ Kutse “ekikali.”
^ Kutse “Abanetinimu.” Kinywa kwa kinywa, “Abahabawa.”
^ Kutse “Abanetinimu.” Kinywa kwa kinywa, “abahabawa.”
^ Kutse “esonda.”
^ Kutse “esonda.”
