Olwimbo lwa Solomona 1:1-17
-
Olwimbo oluwene kulenga esyosi (1)
-
Omumbesa (2-7)
-
Abambesa be Yerusalema (8)
-
Omwami (9-11)
-
“Tukendikukokoterya ebindu by’eriyipambamo eby’ehoro” (11)
-
-
Omumbesa (12-14)
-
‘Ngalangira omwanze waghe ng’akafuko k’amane-mane awakakumba ndeke’ (13)
-
-
Omulisya (15)
-
“Mwanze waghe, uli mubuya”
-
-
Omumbesa (16, 17)
-
“Mwanze waghe, uli mubuya” (16)
-
1 Olwimbo oluwene kulenga esyosi,* olwa Solomona:
2 “Umbe ebizu,Kundi olwanzo lwaghu lulengire edivai.
3 Amaghuta waghu akakumba ndeke.
Erina ryaghu riri ng’amaghuta awakakumba ndeke, agho bakuta lyolo-lyolo.
Kyo kikaleka abambesa ibakwanza.
4 Tughende haghuma, tutibite.*
Omwami abiriningirya omo byumba biwe.
Tutseme, tuyisyandire haghuma naghu.
Tutsemere olwanzo lwaghu kulenga ngoko abandu bakatsemera edivai.
Abambesa basingene erikwanza.
5 Inywe bambesa be Yerusalema, niri mwiraghulu, aliwe niri mubuya.
Niri ng’esyohema sye Kedari, ng’esyohema sya Solomona.
6 Simunyitungerere kundi nabirikina,Eryuba ryo ryabirileka inakina.
Abaghala betu mubanihitanako;Mubanituma eriyasulubirira amalima w’emizabibu,Neryo mundatoka erisulubirira eririma ryaghe.
7 Mwanze waghe, umbwireEyo ukalisiraya,Eyo ukaluhukiraya ebihangulo byaghu oko medi.
Busanaki ukaleka inabya ng’omukali oyuyiswikire ekitambara*Omo kati-kati k’ebihangulo by’abalikyenyu?
8 “Iwe mukali mubuya kulenga abakali bosi, wamabya isiwasiho,Ukwame olughobe lw’ebihangulo,N’erilisirya ebyana by’esyombene syaghu hakuhi n’amahema w’abalisya.”
9 “Mwanze waghe, uli ng’esabayiri y’obukali eyighambire,Omo kati-kati k’esyosabayiri esikakura emitoka* ya Farao.
10 Kundi wabiryambala amaningita,*Amatema waghu abiryanzisya,N’ebikya byaghu byabiritsemesya kundi wabiryambala obusanga.
11 Tukendikukokoterya ebindu* by’eriyipambamo eby’ehoro,Ebiriko ehindu-hindu ehy’efeza.”*
12 “Omwami inyanikere oko mesa yiwe,Amaghuta waghe w’enardo akakumba ndeke.
13 Ngalangira omwanze waghe ng’akafuko k’amane-mane awakakumba ndekeAko ngahira omo kati-kati k’amabere waghe omo kiro kyosi.
14 Ngalangira omwanze waghe ng’amawa w’ekofereAwali omo malima w’emizabibu we En-gedi.”
15 “Mwanze waghe, uli mubuya.
Uli mubuya. Ameso waghu ali ng’aw’ehirikuku.”
16 “Mwanze waghe, uli mubuya, kandi ukatsemesaya.
Engyingo yetu ni biti.
17 Ebibatsi by’enyumba yetu ni by’emiti y’emierezi,N’emikomba yayo ni y’emiti y’ekilaghu.
Amaelezo awehikwa
^ Kutse “Olwimbo lw’Esyonyimbo.”
^ Kinywa kwa kinywa, “Unikure.”
^ Kutse “oyuyiswikire ekitambara kundi inyali omo bulighe.”
^ Kutse “esyosharyo.”
^ Kutse alinga, “amatema waghu abiryanzisya omo kati-kati k’emihungyi y’esyonzwiri syaghu.”
^ Kutse “ehiringo.”
^ Ni kindu ky’obughuli ekikalua omo kitaka.
