Olwimbo lwa Solomona 3:1-11
3 “Omo kiro inine oko ngyingo yaghe,Mungarondaya oyo nianzire.
Mungamurondaya, aliwe munditamusunga.
2 Ngendibuka n’eritimba-timba omo muyi;Omo syonzira n’omo myanya eyikabyamo abandu banene,Ngendisondya omwanze* waghe.
Mungamusondaya, aliwe munditamubana.
3 Mungabandana abateya ibanemukola erondo y’omo muyi.
Mungabulayabo niti: ‘Mumukanasunga omwanze waghe?’
4 Katambi kake nabibalabako,Mungalw’inasunga omwanze waghe.
Mungamumakirira, munitetanza erimulwikaErihika omughulu niryamwingiraya omo nyumba ya mama waghe,Omo kyumba ky’oyo wanibuta.
5 Ngabalapisaya, inywe b’ambesa be YerusalemaOmo syongabi, n’omo syongabi sy’obukali sy’omoli, niti:
Isimwasonda erinibukyamo olwanzo kutse eritsotsyalo, omutima waghe isyalyanza.”
6 “Ekikasira omo mbwarara eki niki,Ekiri ng’omuki munene,Ekikakumba ng’amane-mane n’oubani,N’ekirimo esyopudre syosi sy’omukomersa esikakumba ndeke?”
7 “Ni ngyingo ya Solomona.
Yitimbireko abalume 60 b’amakaAbasombolawa omo kati-katiK’abalume b’amaka omo Israeli.
8 Abosi banawite oko miyali,Abosi babirikangiriribwa erilwa,Obuli mughuma wa kubo anahirire omuyali wiwe oko ndungu,Atoke eriyiteya oko syohatari syosi sy’omo kiro.”
9 “Ni kiboyi* ky’erihekako omwami SolomonaEkyo ayikokoteraya omo miti ye Lebanoni.
10 Mwakokotya esyonduyi syakyo omo feza,*Omuseghemo wakyo omo horo.
Ah’eriikala hakokotibwe omo bweya bw’embuli bw’erangyi y’olubono-bono.*
Omo lwanzo,Abambesa be Yerusalema,Mubapamba emwisi wakyo.”
11 “Inywe bambesa be Sioni, muhuluke,Mwase mulebaye Omwami Solomona.
Ambite embita y’endwa* eyo mama wiwe amukokoterayaEkiro alungaEkiro omutima wiwe atsema kutsibu.”
Amaelezo awehikwa
^ Kutse “oyo omutima waghe anzire.”
^ Kutse “ekiboya; ekipoyi.” Ni kakingyo akakahekawako esyoseghu-seghu.
^ Ni kindu ky’obughuli ekikalua omo kitaka.
^ Kutse “erangyi y’omunyama; pourpre.”
^ Kutse “embita y’amawa.”
