Olwimbo lwa Solomona 6:1-13
6 “Iwe mukali mubuya kutsibu kulenga abandi,Omwanze waghu ayire hayi?
Omwanze waghu mwakalolera hayi?
Tuyamurondaye haghuma.”
2 “Omwanze waghe abirindaghalira omo kalima kiwe,Omo kalima akalimo ebiti ebikakumba ndeke,Eriyalisirya omo hirimaN’eryoha oko mawa w’elise.*
3 Omwanze waghe ni waghe,Naghe niri wiwe.
Anemulisirya omo mawa w’elise.”*
4 “Mwanze waghe, uli mubuya nge Tirza,*Ughambire nge Yerusalema,Ukanzisaya kutsibu ng’abasuda abatimbire oko syobendera syabo.
5 Isiwanihandako ameso,Kusangwa ukabya wanitungerera, omutima waghe akapuka-puka.
Esyonzwiri syaghu siri ng’ekihangulo ky’esyombeneEsikandaghala sikalua oko bitwa bye Gileadi.
6 Ameno waghu ali ng’ekihangulo ky’esyombuliEsikalua okw’inabibwa,Esyosi sibutire ebyana bibiri-bibiri,Sihali n’enguma ya kusyo eyabiriherya ekyana kyayo.
7 Amatema waghu akalangirika omo kitambara kyaghuNg’ekihande ky’eritunda ry’amakomamanga.
8 Hanganabya abaghole 60,N’abandi bakali 80N’abambesa abatawite mighanzo.
9 Aliwe omughuma musa yo kalikuku kaghe, oyuteko bulema,Omughuma musa oyuli oko mutima wa mama wiwe.
Oyo wamubuta amwanzire* kutsibu.
Abambesa bakamulangira n’erimwahula mo w’omuyisa;Abaghole n’abandi bakali bakamulangira, neryo ibamupipa.
10 ‘Omukali oyukamelemeta ng’ekyakakala ky’engyakya-ngyakya oyu,Omubuya ng’omughenda w’ekibamba ngoma,*Oyukangabasenie ng’ekyakakala ky’eryuba,*Oyukanzisaya ng’abasuda abatimbire oko syobendera syabo, nindi?’”
11 “Mungandaghalira omo kalima akalimo emiti eyikalusaya ehighuma ehiri nga hilanga,Eriyalebya ehiti hilere-hilere ehikalasa omo musya,Eriyalebya omuzabibu ng’abirilasa,*Eriyalebya emiti y’amakomamanga nga yabiryasako omusanga.
12 Embere niminye emyatsi nga yiri yiti,Engumbu yaghe y’erilola oko bindu ebiMuyanitwala eyiri esyoseghu-seghu* sy’ewetu.”
13 “Subula, subula iwe Mushulami!
Subula, subula,Tutoke erikulolako.”
“Mukatungerera Omushulami yo busanaki?”
“Ali ng’ebikuto bibiri ebikasata!”*
Amaelezo awehikwa
^ Kutse “ebirangaranga.”
^ Kutse “ebirangaranga.”
^ Kutse “omuyi owakatsemesaya.”
^ Kinywa kwa kinywa, “oyo w’erire.”
^ Kutse “ekighoma ky’omubanguki.”
^ Kinywa kwa kinywa, “oyukuta ameso w’ahisi.”
^ Kutse “ng’abiryasako amasasa.”
^ Kutse “abandu abawite omutima oghuwene.”
^ Kutse “amasata we Mahanaimu.”
