Omughambuli 1:1-18
1 Bino ni binywa by’omuhindania,* mughala wa Daudi, omwami we Yerusalema.
2 Omuhindania ati: “Ebyosi ni bule!”
“Ebyosi ni bule! Ebyosi sibiwite mughaso!”
3 Omundu akabana endundi yahi omo mubiiri wosi owakalireOgho akakola oko kihugho?*
4 Ekizazi* kighuma kikalaba n’ekindi kizazi ikyasaAliwe ekihugho kikendisyabya ikineho kera na kera.*
5 Eryuba rikahuluka* kandi eryuba rikalenga;Rikayira luba-luba rikasuba eyo riryabuka.
6 Erihunga rikalolera oko luhande lw’eyikwa kandi rikatimbira oko luhande lw’endata;Rikabya irinemutimba; rikabya ikorinemutimba.
7 Esyonyusi* syosi sikandaghalira omo ngetse, aliwe engetse siyeyatusula.
Esyonyusi esyo sikasuba eyo siryalua sitoke eritasyasenda.
8 Sihali ekiteluhaya;Sikitokekene eryahula ebyosi ebikaluhaya.
Eriso siririluha erilangira;N’okutu sikuliluha eryowa.
9 Ekyabiribya kyo kinemwendisyasyabya,N’ekyabirikolwa kyo kinemwendisyasyakolwa;Oko kihugho* sikuli kihya-kihya.
10 Hane ekindu ekyo mundu angabughako ati, “Lebaya kino, nina kihya-kihya”?
Kyabya ikyabiribyaho erilua kera;Kyabya ikyabiribyaho embere sy’omughulu wetu.
11 Sihali oyukinibukire abandu ababyaho kera;Sihali n’oyukendisyibuka abakendisyabyaho omo biro ebikasa;N’abandu abekendisyabyaho enyuma sy’aho nabo sibendisyibuka ababyaho embere syabo.
12 Ingye muhindania, nabya mwami we Israeli, e Yerusalema.
13 Munayisogha omo mutima waghe erigha n’eritsopolya n’amenge ebyosi ebyabirikolwa oko kihugho,* ni bugha ambu, emyatsi eyikita obulighe eyo Mungu abiriha abandu bakasyabula eky’erikola.
14 Munalangira emyatsi yosi eyikakolawa oko kihugho,*Eyosi ni bule, ni kwamirira erihunga.
15 Ekihengemire sikyangasyalungulwa,N’ekibulire sikyangaghanzwa.
16 Neryo munayibwira omo mutima waghe niti: “Nabiribya n’amenge manene, kulenga abandu bosi ababya e Yerusalema embere syaghe, n’omutima waghe abiribya n’amenge manene, kandi abiriminya emyatsi mingyi.”
17 Munayisogha omo mutima waghe nitoke eriminya amenge, eriminya erisire,* n’eriminya obukiru, ebyosi ebyo nabyo ni kwamirira erihunga.
18 Kundi amenge manene akaletera obulighe bunene,Neryo oyukalola embere eriminya emyatsi mingyi akakanyaya obulumi.
Amaelezo awehikwa
^ Kutse “by’oyukakuma-kuma.”
^ Kinywa kwa kinywa, “eyikwa w’eryuba?”
^ Kutse “Olulengo.”
^ Kinywa kwa kinywa, “ikimene.”
^ Kutse “rikatsuka erikola.”
^ Kutse “Esyonyusi sy’omughulu w’embeho; Esyonyusi esikabya oko mughulu mulebe.”
^ Kinywa kwa kinywa, “Eyikwa w’eryuba.”
^ Kinywa kwa kinywa, “eyikwa w’olubula.”
^ Kinywa kwa kinywa, eyikwa w’eryuba.
^ Kutse “obukiru bunene.”
