Yobu 11:1-20
11 Zofari Omunaamati mwasubirya ati:
2 “Ebinywa byosi ebi byanganabya butsira erisubiribwako,Kutse erikania bingyi ryanganaleka omundu iniasingana?*
3 Ebinywa byaghu bitya-bitya byanganahunererya abandu?
Ukalengekanaya uti hanganabula oyukakukunga busana n’ebinywa byaghu by’akasekereryo?
4 Kusangwa ukabugha uti, ‘Erikangirirya ryaghe ni ribuya,Kandi nyerire omo meso waghu.’
5 Nikwa oMungu amabitabughaN’erikukumbulira eminywa yiwe!
6 Neryo iniakendikubisulira esyokumbo sy’amenge,Kusangwa amenge awangawatikya awite mbande nyingyi.
Neryo ighukendifumbula ngoko oMungu akaleka ebibi byaghu bilebe ibyabiriranwa.
7 Wanganaminya emyatsi y’oMungu ey’emwisi?
Kutse erifumbula emyatsi yosi eyilebirye* Omutoki w’Ebyosi?
8 Yiri endata kwilaba n’ekyanya. Wangatoka erikolaki?
Yingire emwisi kwilaba n’Eyisinda.* Wangaminyaki?
9 Amenge ayo ni mali kwilaba n’ekihughoKandi awite obughali kwilaba obw’engetse.
10 OMungu amalaba n’erihira omundu y’omo muliki n’eryikalya etribinali,Nindi yo wangamughania?
11 Kusangwa anasi omughulu abandu bakabya n’amatebo.
Amabilangira omwatsi mubi, isyendiyiteghereryagho kwehi?
12 Nikwa omundu ow’omutwe owatemokiAkasala ayiteghererya epunda y’omoli iyiryabuta omundu.*
13 Ko ulyatateghekanaya omutima waghuN’erisumba ebyala byaghu erilolyabyo eyiri oMungu.
14 Ebyala byaghu byamabya ibikakola ebibi, uhirebyo hali kutsibu,Kandi isiwaleka eritatunganene rikikala omo mahema waghu.
15 Neryo ighukendisumba obusu bwaghu butsira kahinira;Ighukendisyasika, butsira buba.
16 Neryo ighukendibirirwa obuligho bwaghu;Ighukendyibukabo ng’amaghetse awabirikulabako n’erisenda.
17 Engebe yaghu iyikendibya n’ekyakakala ekilabire n’eky’eritungyi;Nibya n’omwirimya wayo iniakendibya ng’etututu.
18 Ighukendisika kundi ihane amaha,Kandi ighukendilebya eyi n’eyi n’eriyato omo buholo
19 Ighukendiyato, isihali omundu oyukakubahisaya,N’abandu bangyi bakendisyakusondako obwira.
20 Nikwa ameso w’ababi akendisyaluha;Kandi sibendisyabana obusayiro,Amaha wabo akendisyabya ilo n’oluholo.”*
Amaelezo awehikwa
^ Kutse “oyukayipipa anganasingana?”
^ Kutse “eriminya emipaka ya.”
^ Kutse “Esheoli,” ni bugha ambu, eyisinda y’abandu bosi. Ulebaye Amaana w’ebinywa.
^ Kutse “omughulu epunda y’omoli ikabutawa mo mundu.”
^ Kutse “erye n’erilekula.”
