Yobu 12:1-25
12 Neryo Yobu mwasubirya ati:
2 “Oko kwenene n’inywe mwasi,*N’amenge akendisyahola haghuma nenyu!
3 Nikwa naghe ninawite obwenge.*
Sinyiri w’ahisi okw’inywe.
Nindi yutasi emyatsi eyi?
4 Nabiribya mundu oyo abira biwe bakasekereraya,Oyukalilira oMungu atoke eribana ekisubiryo.
Omundu oyutuganene n’oyuteko lubanza abiribya kindu ky’erisekererya.
5 Omundu oyuli omo buholo syalitsomana obuhanya,Kundi akalengekanaya ati obuhanya bukahunza ab’ebisando ebitatekene.*
6 Amahema w’abanyeyi akabya omo buholo,N’abakenda oko Mungu k’omwagha* bali omo buholo,Abawite oMungu wabo omo byala byabo.
7 Neryo, kisi, ubulaye esyonyama, nasyo sikendikukangirirya;N’esyonyunyu sy’omo kyanya, nasyo sikendikubwira.
8 Kutse uyiteghereraye* ekihugho, nakyo kikendikukangirirya;N’esyosamaki sy’omo ngetse sikendikutuliragho.
9 Ni kyahi omo kati-kati k’ebyosi ebiEkitasi ngoko ebyala bya Yehova byo byakola eki?
10 Obuyingo bw’obuli kindu ekiriho* buli omo byala biweKutya n’ekirimu* ky’obuli mundu.*
11 Okutu sikulilenga ebinywa kwehiNgoko olulimi* lukagheraya akalyo?
12 Abakulire si bo bawite oko menge kwehi?
N’obuyiteghererya sibulyasa busana n’eribyaho omo myaka mingyi kwehi?
13 Haghuma naye hali amenge n’amaka;Awite amahano n’obuyiteghererya.
14 Amahimbula ekindu, sikyangatasyahimbwa;Ekyo akakinga, sihali omundu oyo wangatoka erikikingula.
15 Omughulu akakakiraya amaghetse, ebyosi bikuma;Omughulu akatumagho, akabwagha omo kihugho.
16 Haghuma naye hali akaghala n’amenge awangawatikya;Oyukahera n’oyukaheraya abosi ni biwe;
17 Akaleka abahani ibalendera butsira biryato,*N’eriyira abatsweri mo bakiru.
18 Akabohola emiriki eyo abami bakahira oko bandu,Kandi akaboha omukaba omo mbindi syabo.
19 Akaleka abahereri ibalendera isibambite ebiryato,N’erilusya oko kitumbi ababirisika kukyo;
20 Abahani abayiketerwe akabima ebinywaN’erilusya oko balume abakulire* kw’ehakili yabo;
21 Akuta akaghonero oko syoseghu-seghu,N’eryolobererya* abawite akaghala;
22 Akabisula emyatsi y’emwisi erilua omo mwirimya,Kandi akaleta omwirimya w’enyahinda omo kyakakala;
23 Akaleka ebihanda ibyabya n’akaghala busana n’eritoghotyabyo;N’eriyira ebihanda mo binene, atoke eritwalabyo omo bunyewa.
24 Akalusaya oko basondoli b’abandu kw’eriminyaN’erileka ibaghanga-ghanga omo bihugho by’olukwesese ebitemo nzira.
25 Bakamata-mata omo mwirimya, ahate ekyakakala;Akaleka ibaghanga-ghanga ng’abakundirya.
Amaelezo awehikwa
^ Kinywa kwa kinywa, “n’inywe bandu.”
^ Kinywa kwa kinywa, “omutima.”
^ Kutse “ebikatendera.”
^ Kutse “abakapuma; abakakara.”
^ Kutse alinga, “ukanaye.”
^ Kutse “enafsi y’obuli mundu oyuliho.”
^ Kutse “omuka.”
^ Kutse “omubiri wosi w’omundu.”
^ Kinywa kwa kinywa, “ekyasasa.”
^ Kutse “ibalusibwa obuli kindu.”
^ Kutse “abasyakulu.”
^ Kinywa kwa kinywa, “akolobereraya emikaba y’abawite akaghala.”