Yobu 13:1-28
13 “Inga, eriso lyaghe lyabirilangira ebyosi ebi,Okutu kwaghe kwabiryowakyo n’eriyiteghereryakyo.
2 Ekyo mwasi, naghe ninasikyo;Siniri muke okw’inywe.
3 Ingye nyanzire inakania n’Omutoki w’Ebyosi iyuwene-wene;Nyanzire inatonda embere sy’oMungu.
4 Nikwa mukanihakabaya amabehi;Inywe bosi muli banganga abatawite mughaso.
5 Nga munalyatabya bukutu ndeke-ndeke,Ekyo kyangakanganirye ngoko muwite amenge.
6 Ngabasaba, kisi, muhulikirire eritonda lyaghe,Kandi muteghe okutu ngayilwirako omo minywa yaghe.
7 Mukendibughira oMungu y’ebitatunganene,Kandi mukendimubughira eby’amabehi?
8 Mukandimwimira* kwehi,Mukendisonda eritondera oMungu w’ekwenene?
9 Amabatsopolya, emyatsi yenyu iyinemwendyuwana?
Mwanganamuteba ngoko mwangateba omundu oyukahola kwe?
10 Oko kwenene iniakendibahayiraMwamabisonda erikangania akasololo omo bubiso-biso.
11 Olukengerwa lwiwe lusa-lusa, isilwendibubahyaN’obwaka bwiwe isibwendibahikako kwehi?
12 Ebinywa byenyu by’amenge* ni misyo y’eribu;Ebinywa byenyu by’eriyilwirako* ni byolo-byolo ng’ahakongotere h’eribumba.
13 Mubye bukutu nibughe.
N’erileka ekyosi-kyosi ekyanganihikira kinihikire!
14 Ngayihira omo bwiko* mo busanakiN’eriheka engebe* yaghe y’omo byala byaghe?
15 Nomo anganita, ingendilindirira;Ingenditonda ngayilwirako* embere siwe.
16 Neryo iniakendibya mulamo waghe,Kusangwa oyutekenga* oMungu syangahika embere siwe.
17 Muhulikirire ndeke ekinywa kyaghe;Muteghe okutu oko ebyo ngabugha.
18 Lino, mulebaye, nabiriteghekania eritonda lyaghe;Ninasi ngoko nisingene.
19 Nindi yukendilwa naghe?
Namabihuna* ingendihola!
20 Mungu, ngakusaba ebindu bibiri bisa,*Neryo sinendikubisama:
21 Unilusayeko ebyala byaghu ebilitohire,Kandi isiwanisaghisaya omw’ubahya lyaghu.
22 Ubirikire, ngendikusubirya,Kutse uleke nibughe, naghu unisubiraye.
23 Ebibi byaghe n’amalolo waghe ni byahi?
Umbwire ekosa yaghe n’erilolo ryaghe.
24 Busanaki ukabisa obusu bwaghuN’eriniyira mo nzighu yaghu?
25 Ukasonda eryubahya ekiti ekyo erihunga rikaghulukayaKutse erikwamirira ebiti ebyumire?
26 Kusangwa ukabera erihandika okw’ingye eritsongera erikalire,Kandi ukaleka ebikaluira omo malolo waghe w’omo bulwana ibyanihikira.
27 Wabirihira ebisando byaghe by’omo mihomo,Ukasosotaya esyonzira syaghe syosi,Kandi ukakwama ahosi aho ngalyata.
28 Neryo omundu* akahwerekerera ng’ekindu ekihondire,Ng’olukimba olwabirilibwa n’ehinyurughunzu.
Amaelezo awehikwa
^ Kutse “mukendimwimira omo kasololo; mukendimukangania obutagha?”
^ Kutse “by’eryibukwa.”
^ Kinywa kwa kinywa, “ehikuku-hikuku hy’oko ngabo.”
^ Kinywa kwa kinywa, “busanaki ngaheka eminyoku yaghe y’omo meno waghe kwehi?”
^ Kutse “enafsi.”
^ Kutse “ngandilwira oko syonzira syaghe.”
^ Kutse “oyukayisamambula oko Mungu.”
^ Kutse alinga, “omundu amabikola ekyo, ingendihuna n’erihola.”
^ Kinywa kwa kinywa, “emyatsi ibiri misa yo ngakusaba niti isiwanikolera.”
^ Kinywa kwa kinywa, “iye,” alinga eryahula Yobu.
