Yobu 16:1-22
16 Yobu mwasubirya ati:
2 “Nabiryowa emyatsi mingyi eyiri ng’eyi.
Inywe bosi muli bakirania abakakenderaya!
3 Ebinywa bitya-bitya* binemwendisyayira nduli?
Ekikakukuna eribugha utya niki?
4 Naghe nanganabughire nga nywe.
Ko mulue omo mwanya waghe,*Nangabughire ebinywa ebyangalighisya eribatsweba-tswebaKandi nangatsinga-tsingirye omutwe waghe busana nenyu.
5 Nikwa, omo mwanya w’ekyo,Niryendibahiramo akaghala omo binywa by’obuno bwaghe,N’erikirania ry’eminywa yaghe, lyangabaletere eriluhuka.
6 Namabibugha, amaghali waghe syangatulera,Kandi namabileka eribugha, amaghali waghe angakeha oko lulengo lungahi?
7 Nikwa lino oMungu abirinduhya;Abiritoghotya abandu bosi b’enyumba yaghe.*
8 Kandi wabirinihamba, n’ekyo kyabiribya bwimiri,Neryo akabonde kaghe kakanilangirikakoN’eribya bwimiri embere sy’obusu bwaghe.
9 Erihitana liwe ryabirinitulanga mo hihande-hihande,Kandi abirinibikako ekinigha.
Akanikereghetera ameno wiwe.
Enzighu yaghe ikanitobola omo meso wayo.
10 Abandu babirinitandira amuno wabo,N’eriniha amakofi oko matema omo kaghonero;Bakahindana haghuma busana n’erilwa naghe.
11 OMungu akanihira omo byala by’ehilwana hilere-hilere,Kandi akanihira omo byala by’ababi.
12 Nabya ininatulere, aliwe abirinibunanga;Mwanihambira engoto amanitundula-tundula;Neryo mwaniyira mo ekyo akalengerera.
13 Abalasi biwe b’emisoha bananitimbireko;Akatobongola esyombiko syaghe butsira bulighe;Akuta endulu yaghe oko kitaka.
14 Niri ng’oluhimbo olo akabera eritobongolamo ebyuna;Akanitibitako ng’embangyi.
15 Nabirisonera haghuma olukimba lw’esakiBusana n’eriswika engobi yaghe,Kandi nabirita olukengerwa* lwaghe l’omo lututu.
16 Obusu bwaghe bwabirihenduka rangi y’omusasi busana n’ekiriro,N’oko syongohe syaghe kuli ekitsutsu* kinene,
17 Nomo ebyala byaghe sibyetakola omwatsi wosi-wosi w’omwaghaN’omusabe waghe ni mubuya.
18 Iwe kitaka, isiwaswika omusasi waghe!
N’emilake yaghe isiyabana ah’eriluhukira.
19 Nikwa na lino, omwimiri waghe ali elubula;Oyo wanganimira ali endata.
20 Abira baghe bakanisekaEriso lyaghe rikatogheraya oMungu y’emisonia.*
21 Omundu asohe omo kati-kati k’omundu n’oMunguNgoko omundu anganasoha omo kati-kati k’omundu na mulikyabo.
22 Kusangwa emyaka eyikasa ni mike,Kandi ngendighenda omo nzira eyo nitendisyasyasubulamo.
Amaelezo awehikwa
^ Kutse “ebiri ng’erihunga buyira.”
^ Kutse “enafsi yenyu ko yilue omo mwanya w’enafsi yaghe.”
^ Kutse “abakahindana naghe haghuma.”
^ Kutse “amaka.” Kinywa kwa kinywa, “erihembe.”
^ Kutse “ekitsutsu ky’oluholo.”
^ Kutse alinga, “likatungerera butayato.”
