Yobu 17:1-16
17 “Ekirimu kyaghe kyabiribunika, ebiro byaghe byabirilima;Ekimbaseke kinanyilindire.
2 Abakasekereraya bananitimbireko,N’ameso waghe akakasawa eritungerera* emikolere yabo y’eriyisamambula.
3 Kisi ulighe omutsimbo waghe, kandi ubikegho.
Ni ghundi ndi oyo wasyamba ebyala n’erinihanganira?
4 Kusangwa wabiribisa obuyiteghererya hali oko mitima yabo;Kyo kikaleka ighutapipabo.
5 Anganaligha erighabira abira biwe oko bindu biwe,Aliwe ameso w’abana biwe inianalibene.
6 Abiriniyira mo kindu ky’erisekereribwa* omo kati-kati k’abandu,Neryo nabiribya oyo bakatwirako amatandi omo busu.
7 Obulighe bukaleka ameso waghe iniatasyalangira ndeke,N’ebitsuko byaghe byosi ni kitsutsu kisa.
8 Abandu abatunganene bakakukubala balangira eki,N’omundu oyuteko olubanza akubaha,Akayibulamo omutima busana n’omundu oyutyubaha oMungu.*
9 Oyutunganene akamakirira enzira yiwe,N’omundu w’ebyala ebyerire akayira amaka manene.
10 Nikwa inywe bosi, mwanganasa n’eritasyatsuka eribugha,Kusangwa sinetabana omundu wosi-wosi w’amenge omo kati-kati kenyu.
11 Ebiro byaghe byahwere;Eriteghekania lyaghe, ebyo omutima waghe akayitsutsa, byabiribunzungulwa.
12 Bakabera eribindingula ekiro mo musibo,Bati, ‘Ekyakakala kyanganabya ikiri hakuhi kusangwa hali omwirimya.’
13 Namalinda, Eyisinda* iyikendibya bwikalo bwaghe.
Ngendisesa engyingo yaghe omo mwirimya.
14 Ngendisyabirikira ekyuna* niti, ‘Uli baba waghe!’
N’oko mihuka niti, ‘Mama waghe na mwali wetu!’
15 Neryo, amaha waghe ali hayi?
Oyo wanganilangirira amaha nindi?
16 Akendisyandaghalira* oko milango y’Eyisinda*Omughulu itwe bosi tukendisyandaghalira haghuma omo lututu.”
Amaelezo awehikwa
^ Kutse “eribya oko.”
^ Kinywa kwa kinywa, “omusyo; akasimo.”
^ Kutse “oyukayisamambula.”
^ Kutse “Esheoli,” ni bugha ambu, eyisinda y’abandu bosi. Ulebaye Amaana w’ebinywa.
^ Kutse “eyisinda.”
^ Ni bugha ambu, amaha waghe.
^ Kutse “Esheoli,” ni bugha ambu, eyisinda y’abandu bosi. Ulebaye Amaana w’ebinywa.