Yobu 22:1-30
22 Elifazi Omutemani mwasubirya ati:
2 “Omundu anganabya w’omughaso oko Mungu?
Omundu wosi-wosi w’amenge anganamuletera endundi?
3 Omutoki w’Ebyosi anatsomene* eribya ighutunganene,Kutse akanabana endundi y’osi-yosi wamabikwama enzira eyiluyirirene?
4 AnemwendikusuyiraN’eritonda naghu busana n’erimukenga?
5 Ekyo si busana obubi bwaghu ni bunene kwehiN’amalolo waghu eribya isyawite nduli?
6 Kusangwa ukimaya ebindu by’abaghala benyu mo muwatoIsihali n’ekikaleka,Kandi ukalusaya abandu b’esyongyimba syabo iwabaleka ndumbu.*
7 Abaluhire sighulibaha amaghetse w’erinywa,N’abakwire enzala ukimabo akalyo.
8 Ekihugho ni ky’ow’akaghala,N’oyo bakabenda-bendaya akikala mukyo.
9 Nikwa ighukasubulaya abakwakali bo byala bisa,N’erihinolera amaboko w’abana abatawite abobaba wabo.*
10 Busana n’ekyo ebitegho* bikutimbireko,N’obuba obukasa kitsumbukirania bukaleka iwahangya-hangya;
11 Busana n’ekyo hali omwirimya munene neryo isiwangasyalangira,N’eribwagha ly’amaghetse rikakuswika.
12 OMungu syali omo lubula mw’endata kwehi?
Kandi ulebaye ngoko esyongununu syosi siri endata yo hali.
13 Nikwa wabiribugha uti: ‘OMungu asiki kwe?
Anganatoka eritswera omo mwirimya munene kwehi?
14 Ebitu bikamubisa neryo iniatalangiraAkalendera-lendera oko kiringo* ky’ekyanya.’
15 Ukendilaba omo nzira ya keraEyo ababi balabamo,
16 Abandu abahekawa* ebiro byabo isibiribyaghonera,Abo eribwagha ly’amaghetse* ryasendaya esyofondasyo syabo?
17 Babya bakabwira oMungu w’ekwenene bati: ‘Uleke eritukenderya!’
Kandi bati ‘Omutoki w’Ebyosi angatukolaki kwehi?’
18 Ibwa kandi, iye yo wusulaya omo manyumba wabo mw’ebindu ebyuwene.
(Amalengekania mabi ng’ayo asighene kutsibu n’awaghe.)
19 Abatunganene bakendisyalangira eki ibatsema,N’abateko lubanza bakendisyasekabo n’eribugha bati:
20 ‘Esyonzighu syetu syabiriheribwa,N’ebyo basigha omuliro akendisyatimyabyo.’
21 Uyikase erimuminya, ukendibya omo buholo;Neryo ukendibana ebindu bibuya.
22 Ulighe omughambo owakalua omo buno bwiwe,N’ebinywa biwe ubikebyo omo mutima waghu.
23 Wamabisuba oko Mutoki w’Ebyosi ighukenditasyasuba ndeke;Wamabilusya eritatunganene omo hema yaghu,
24 Wamaghusa ehoro* yaghu y’omo lututuN’ehoro ye Ofiri omo misya* eyirimo olukuka,
25 Aho, Omutoki w’Ebyosi iniakendibya horo* yaghu,Kandi iniakendibya feza* yaghu eyuwene kutsibu.
26 Neryo obutseme bwaghu ibukendisyaluira oko Mutoki w’Ebyosi,Kandi ighukendisyasumbira oMungu y’obusu bwaghu.
27 Ighukendisyamulemba-lemba, naye iniakowa;Kandi ighukendisyaliha eriyilagha lyaghu.
28 Ekyosi-kyosi ekyo ukayisogha erikola ikikendisyuwana,N’ekyakakala ikikendisyakolerya enzira yaghu.
29 Kusangwa omughulu ukendisyabugha omo miyiheko,Ukendisyahemulwa,Nikwa akendisyalamya abakayikehaya.*
30 Akendisyalamya abateko lubanza;Neryo ebyala byaghu byamabya ibyerire,Kwenene-kwenene ighukendisyalamibwa.”
Amaelezo awehikwa
^ Kutse “kikanatsemesaya Omutoki w’Ebyosi.”
^ Kinywa kwa kinywa, “erilusya esyongyimba sy’abali ndumbu.”
^ Kutse “esyongubi.”
^ Kinywa kwa kinywa, “ebitegho by’esyonyunyu.”
^ Kutse “omuviringo.”
^ Kutse “abo esyongebe syabo syayirawa mo nguhi.”
^ Kinywa kwa kinywa, “olusi.”
^ Kutse “ehitswe-hitswe hy’ehoro.”
^ Kutse “emisya eyikumamo amaghetse.”
^ Kutse “ehitswe-hitswe hy’ehoro.”
^ Ni kindu ky’obughuli ekikalua omo kitaka.
^ Kutse “oyukuta ameso w’ahisi.”
