Yobu 23:1-17
23 Yobu mwasubirya ati:
2 “Nibya na munabwire ngandiyilakira omo righundu;*Amaka waghe abirihwa busana n’erisimba lyaghe.
3 Ko nilue nyasi aho nangasunga oMungu!
Nangayire aho ikere.
4 Nangaletire olubanza lwaghe embere siweN’eryusulya omo buno bwaghe mw’eritonda;
5 Niryendiminya ng’akendinisubirya atiN’erilengekania oko ebyo akanibwira.
6 Mbino anganalwa naghe akakolesya amaka wiwe manene?
Iyehe, oko kwenene iniakendinihulikirira.
7 Eyo, omundu oyutunganene angakanirya oko mwatsi haghuma naye,N’omutsweri waghe angabughire ati sindiko lubanza erihika kera na kera.
8 Nikwa namaghenda oko luhande lw’eyo eryuba rikasira, syaliyo;Kandi ngasubula inatamusunga.
9 Omughulu akakola omubiiri oko luhande lw’amalembe,Sinangamulangira;Neryo akabindukira oko luhande lw’amali, aliwe kandi sindimulangira.
10 Nikwa anasi enzira eyo nabirilabamo.
Akendisyabya abinilengako, ngendisyabya ng’ehoro ey’erire.
11 Ebisando byagheByabirikwama ndeke-ndeke olughobe lw’ebisando biwe;Nabirikwama enzira yiwe butsir’ikita kuyo.
12 Sinitasighania ebyalayiro by’eminywa yiwe.
Nabiribika ndeke-ndeke ebinywa biweNibya kulenga ngoko nabya nisabirwe.*
13 Omughulu akayisogha erikola omwatsi mulebe,Nindi yo wangamukakirya?
Amabyanza* erikola omwatsi mulebe, akakolagho.
14 Kusangwa akendisyaberererya ndeke-ndeke ekyo nabirisoherwa,*Kandi anabikire emyatsi mingyi eyiri ng’eyi.
15 Kyo kikaleka inahangya-hangya busana naye;Ngabya namulengekaniako, obuba bwaghe bukakanya.
16 OMungu abirileka inabya n’omutima owakapuka-puka,N’Omutoki w’Ebyosi abirinyubahya.
17 Aliwe omwirimya syalyanihuniaKutse nibya omwirimya munene owabiryasa oko busu bwaghe.
Amaelezo awehikwa
^ Kutse “erilaka lyaghe ly’eriyisamambula.”
^ Kutse “ngoko nahandikirawa.”
^ Kutse “enafsi yiwe yamabyanza.”
^ Kutse “ekyo nabirihandikirwa.”
