Yobu 24:1-25
24 Busanaki Omutoki w’Ebyosi syalihiraho endambi?
Busanaki abatamwasi sibalilangira ekiro kiwe?*
2 Abandu bakahumisaya ebiminyikalo by’emipaka;Bakiba ebihangulo ibatwalabyo omo bulisiryo bwabo.
3 Bakayibingira esyopunda sy’abana abatawite abobaba waboN’erimya enume y’ende y’omukwakaliMo kindu ekikahambawa busana n’edeni.*
4 Bakakuna abera erilua omo nzira;N’abali oko kihugho abatawite ab’eribawatikya litolere ibayibisa okw’ibo.
5 Abera bakasondekanaya akalyo ng’esyopunda sy’omoli omo mbwarara;Bakasondekanaya akalyo omo lukwesese busana n’abana babo.
6 Likatolera ibaghesa omo lirima* ry’oghundiN’eribota-bota omo lirima ry’emizabibu ery’ababi.
7 Ekiro kyosi bakaghotsera ndumbu, isibawite olukimba;Sibawite eky’eriyiswika busana n’embeho.
8 Embula y’oko bitwa ikatsapayabo;Bakamakirira oko mabwe busana n’eribula obuwamo.
9 Omwana oyutawite baba akakulawa okw’ibere;N’esyongyimba sy’abera sikahambawa busana n’edeni,
10 Ikyaleka ibaghenda ndumbu, isibawite ngyimba;Kandi ibanakwire enzala, ibanahekire emighanda y’engano.
11 Omo mwisi owakalire,*Bakanuba omo mubiiri owakalire omo mighende eyihimbire;Bakakamira emizabibu omo bikamiro, aliwe ibasighala ibanakwire enyota.
12 Abali okw’ihola bakabera erisimba omo muyi;Abahutere kutsibu* bakalaka bakasaba obuwatikya,Nikwa oMungu syalilangira ekyo mo mwatsi owatatolere.*
13 Abandi bakayisamambula oko kyakakala;Sibasi esyonzira syakyo,Kandi sibalilaba omo syonzira syakyo.
14 Omwiti akabuka bukakya;Akita abateyitoka n’abera,N’omo kiro inyiba.
15 Eriso ly’omusingiri rikalinda akagholo-gholo,Akabugha ati, ‘Sihali oyukendinilangira!’
Kandi akaswika obusu bwiwe.
16 Omo mwirimya bakatula* amanyumba;Omo musibo ibayikingira omo manyumba wabo.
Sibasi ekyakakala.
17 Kusangwa okw’ibo engyakya-ngyakyaN’omwirimya munene ni bighuma;Babiribeghera eryubahya ry’omwirimya munene.
18 Nikwa amaghetse* akalw’iniahekabo.
Erighabo lyabo ry’ekitaka likendisyatakirwa.
Sibendisyasubira amalima wabo w’emizabibu.
19 Ngoko enzururu eyabiriyeyukaIkanabulirana omo mughulu w’omwisi n’omo kihuhania,N’Eyisinda* ko yikanatwala yitya ababirikola amalolo!
20 Mama* wiwe akendisyamwibirirwa; emihuka ikendisyamukola mo efete.
Syendisyasyibukwa.
N’eritatunganene rikendisyabunwa ng’omuti.
21 Akakolera omughumba yo muhanda,N’eryaghalya omukwakali.
22 OMungu* akendisyakolesya akaghala kiwe eribughaho ab’amaka;Nomo bangahangana, sibaliminya nga banemwendibyaho kutse iyehe.
23 OMungu* akaleka ibasika n’eribya buholo,Nikwa ameso wiwe akabya inianalangire ebyosi ebyo bakakola.*
24 Bakahamibawa omo katambi kake, n’enyuma sy’aho ibabulirana.
Bali ng’amakundi w’engano awakatwibawa n’erikumwa-kumwa;Bakakehibawa n’erihola ngoko abandi bandu bakanahola.
25 Neryo lino, nindi yo wangabugha ati ngabihaKutse nindi yo wangaghania ekinywa kyaghe?
Amaelezo awehikwa
^ Ni bugha ambu, ekiro kiwe ky’eritswera.
^ Kutse “omuwato.”
^ Kutse alinga, “aho bakasondaya ebiti by’esyonyama omoli.”
^ Kutse alinga, “bakakamira amaghuta omo mighende eyihimbire.”
^ Kutse “esyonafsi sy’abahutere.”
^ Kutse alinga, “oMungu syalihira oko mundu wosi-wosi ko lubanza.”
^ Kinywa kwa kinywa, “bakatobola.”
^ Kinywa kwa kinywa, “akanguha oko maghetse kw’endata.”
^ Kutse “Esheoli,” ni bugha ambu, eyisinda y’abandu bosi. Ulebaye Amaana w’ebinywa.
^ Kinywa kwa kinywa, “enda eyikabyamo omwana.”
^ Kinywa kwa kinywa, “Iye.”
^ Kinywa kwa kinywa, “Iye.”
^ Kinywa kwa kinywa, “oko syonzira syabo.”