Yobu 26:1-14
26 Yobu mwasubirya ati:
2 “Ukalengekanaya uti wabiriwatikya oyutawite obutoki!
N’erilamya ow’ebyala ebitawite akaghala!
3 Ukalengekanaya utiWabiriha omundu oyukabula amenge y’amahano aghuwene!
Ukalengekanaya uti wabiribisula butsira buhemu*Amenge* waghu awangawatikya!
4 Nindi yukasonda eribugha naye,Kandi nindi yulyakubisulira eribugha emyatsi* eyiri ng’eyi?
5 Abatawite akaghala, ababirihola bakatitimana;Nibya bali ahisi oko maghetse n’ebihangyikwa ebikere mugho.
6 Eyisinda* yiri ndumbu embere sy’oMungu,*N’aho emibiri ikatsandira* sihalibire.
7 Akasanza ekyanya* ky’oko luhande lw’endata ahate kindu,*N’erihanika ekihugho ahate kindu;
8 Akasengera amaghetse omo bitu biwe,N’ebitu ibitatulika busana n’obulito;
9 Akabisa ekitumbi kiwe ky’obwami isikyalangirawa,Akaswikakyo omo bitu biwe.
10 Akahira omupaka aho ameso akatwiriraya* oko maghetse;Akahira omupaka omo kati-kati k’ekyakakala n’omwirimya.
11 Esyonduyi sy’ekyanya sikasukana;Sikakukubala busana n’erikunga liwe.
12 Akatenganaya engetse omo maka wiwe,N’omo menge wiwe,Akatsutsanga ekihangyikwa ky’omo ngetse ekikubahisaya*Mo bihande-bihande.
13 Omo muka* wiwe akaleka ekyanya ikyahenia;Ebyala biwe bikatsimita enzoka eyikasenzera kutsibu.
14 Lebaya! Ebi ni bike-bike by’oko mibiiri yiwe;Ebyamatamowikako ni hihwehwe hike buyira!
Neryo nindi yo wangatoka eryowa omulumo w’amaka wiwe?”
Amaelezo awehikwa
^ Kutse “omo bungyi.”
^ Kutse “ehakili.”
^ Kinywa kwa kinywa, “ni muka wandi (ekirimu) w’alyalua omw’iwe?”
^ Kutse “Esheoli,” ni bugha ambu, eyisinda y’abandu bosi. Ulebaye Amaana w’ebinywa.
^ Kinywa kwa kiywa, “Iye.”
^ Kutse “Abadoni.”
^ Kinywa kwa kinywa, “oluhande lw’endata.”
^ Kinywa kwa kinywa, “omwanya owatemoki.”
^ Kinywa kwa kinywa, “oko kiringo.”
^ Kinywa kwa kinywa, “Rahabu.”
^ Kutse “erihunga.”
